JEREMI 51:5 - Bibəl ta Sar̄

⁵ Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.

Bible sar

⁵ Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ *táĺ yā *Israel. Banī Nə́ɓā yā Israel ō, yā *Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.

JEREMI 51:5 Referans Kwoze

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

JAKARI 2:12

Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

JEREMI 31:37

Najə̄ ń Kɔ́ɔ̄ɓē əda ní n toó: Ré de gə̄ asən̄ mbɔ̄jə́ ngāl̄ loo kə́ dɔ rā̰ tə́ dɔɔ́ ō, asən̄ ger̄ loo kə́ nang tə́ gír ngə́ra dɔ nang tə́ ō anī, mā m-ā m-ásə mbātə́ ngán kaa Israel gə̄, tām̄ yá̰á̰ ń nin̄ rāān̄ tə́ ní ō. Najə̄ ń Kɔ́ɔ̄ɓē əda ní n noó.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

PĀ GƏ̄ 94:14

Tɔdɔ̄ Kɔ́ɔ̄ɓē əya̰ gír deē yān gə̄ kɔ̄ɔ́ alé, ni əya̰ yá̰a̰ yān kɔ̄ɔ́ alé.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 6:13

M-ā m̄-reē yā ndi dan ngán Israel gə̄ tə́ kem kújə́ ń toō tə́ ō, m-ā m-ə́ya̰ Israel gə̄ ń i gír deē yāḿ gə̄ ní kɔ̄ɔ́ aĺ ō.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

IJAI 51:15

Nə́ɓā yāí i mā Kɔ́ɔ̄ɓē. I mā n i nge pukə́tū bā bo ō, nge rāā kadə̄ kōō bəngál bā gə̄ ɓārə̄n̄ bu bu ō ní. Rīḿ mā i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

JEREMI 14:19

Ḭ̄ ī-mbātə́ Juda kə̄ noí tə́ a? Nelī kə Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

OJEE 2:1

Ndɔ̄ kógə̄ḿ tə́ anī, kutə ngán Israel gə̄ a asə naā kə kutə nán̄g ngárə̄ḿnjēý kə́ ta bā tə́. Deē a asə tə́da kutədə́ aĺ bátə́. Nə́ɓā a ədadə́ na sḭḭ̄ i gír deē yāḿ gə̄ aĺ to̰ alé. Banī ni a ɓāŕdə́ na i Ngáń Nə́ɓā kə́ ndi kə kumneé gə̄.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.