JEREMI 51:46 - Bibəl ta Sar̄

⁴⁶ Ādə̄ tɔ́gə́sí ur̄ wak aĺ ō, ī-ɓōlíī najə̄ kə́ ɓār̄ sow kə́ ɔsə gō naā kə dɔ ɓāl̄ gə̄ kem ɓēé aĺ ō. Yá̰á̰ kə́ rāā kə dɔ́nɔ́ taā kem ɓē ō, nge ko̰o̰ ɓē kə́ rāā de gə̄ majaĺ tə̄ɓā madə̄n ba o̰o̰ń ɓē gotən tə́ ō.

Bible sar

⁴⁶ Ādə̄ tɔ́gə́sí ur̄ wak aĺ ō, ī-ɓōlíī najə̄ kə́ ɓār̄ sow kə́ ɔsə gō naā kə dɔ ɓāl̄ gə̄ kem ɓēé aĺ ō. Yá̰á̰ kə́ rāā kə dɔ́nɔ́ taā kem ɓē ō, nge ko̰o̰ ɓē kə́ rāā de gə̄ majaĺ tə̄ɓā madə̄n ba o̰o̰ń ɓē gotən tə́ ō.

JEREMI 51:46 Referans Kwoze

IJAI 19:2

Kɔ́ɔ̄ɓē əda na: M-ā m̄-tɔ́sə̄ ta kó̰n de kə́ Ejiptə gə̄ naā tə́, adə̄ nin̄ a rɔ̄ɔ̄n̄ naā ō, madə̄ naā gə̄ a rɔ̄ɔ̄n̄ naā ō, ɓē gə̄ a rɔ̄ɔ̄n̄ naā ō, ɓē ko̰o̰ gə̄ a rɔ̄ɔ̄n̄ naā ō.

2 MBAN̄G 19:7

Na n-a n-adə̄ mban̄g ndíĺ kógə̄ḿ kə́ kadə̄ ré oō najə̄ kógə̄ḿ anī a tél dɔ tə́ yā kaw̄ gogə́ ɓē yān tə́. Na n-a n-rāā kadə̄ a oy yo kaskar kem ɓē yān nəkɔ́ tə́.

Najə̄ kə́ Majə yā Jeju ń Luk ndang ní 21:28

Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.

2 YÁ̰A̰ GƏ̄ 20:23

Ngán Amon gə̄ ō, Moab gə̄ ō, əlan̄ gír rɔ̄ɔ̄ de kə́ dɔ mbal̄ kə́ Seir tə́ gə̄. Nin̄ tɔ̄lə̄n̄də́ náḿ náḿ. Gō tə́ anī nin̄ kɔ́ gə̄ tél tɔ̄lə̄n̄ naā kɔ̄ɔ́ malang.

NGÉ SARYA 7:22

Dan ń de kə́ ɓú mətá gə̄ a kɔ̄rə́n̄ tōw̄ ní, Kɔ́ɔ̄ɓē rāā adə̄ de gə̄ malang kə́ kem gérgereé tél tūrə̄n̄ ta kaskar kə̄ dɔ naā tə́ tɔ̄l̄nəń naā, ba gotə de gə̄ ń na̰yn̄ ní a̰ȳn̄ naā bátə́ ugə̄n̄ ɓē kə́ Bet Sita tə́ kum kə̄ Sereda ō, bátə́ ugə̄n̄ ɓē kə́ Abel Mehola tə́ kadə ɓē kə́ Tabat tə́ ō.

JEREMI 46:27

Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

Makətūbə̄ yā Job 23:16

Nə́ɓā rāā adə̄ tɔ́gə́ḿ gətóo. Nə́ɓā kə́ tɔ́gən i ngá̰ý rāā adə̄ ndílə́ḿ a̰ȳ.

Gōsə̄ najə̄ gə̄ 24:10

Ré tɔ́gí ur̄ wak ndɔ̄ wur kɔl tə́ anī, kumən na tɔ́gí i ngá̰ý alé.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.