JEREMI 51:40 - Bibəl ta Sar̄

⁴⁰ M-āw̄ sedə́ loo tɔ̄l̄ dā̰ gə̄ tə́ tītə̄ bal batə̄ gə̄ beé ō, tītə̄ kó̰o̰ batə̄ gə̄ naā tə́ kə bal bə̄yā̰ gēé ō.

Bible sar

⁴⁰ M-āw̄ sedə́ loo tɔ̄l̄ dā̰ gə̄ tə́ tītə̄ bal batə̄ gə̄ beé ō, tītə̄ kó̰o̰ batə̄ gə̄ naā tə́ kə bal bə̄yā̰ gēé ō.

JEREMI 51:40 Referans Kwoze

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

EJEKIEL 39:18

Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?

PĀ GƏ̄ 37:20

Ngé kem ndul gə̄ a oyn̄. Madə̄ ba̰ā̰ Kɔ́ɔ̄ɓē gə̄ a oyn̄ kɔ̄ɔ́ tītə̄ hútə̄ mu kə́ bembeé beē. Nin̄ a aw̄n̄ kɔ̄ɔ́, a aw̄n̄ tītə̄ sa hor beé.

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.