JEREMI 51:24 - Bibəl ta Sar̄

²⁴ Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

Bible sar

²⁴ Yá̰á̰ kə́ majaĺ gə̄ malang ń *Babilon ō, de gə̄ malang kə́ Kalde tə́ ō rāān̄ *Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

JEREMI 51:24 Referans Kwoze

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEJU TEĒ KUM JA̰A̰ 18:24

Ngé koō ta gə̄ ō, deē yā Nə́ɓā gə̄ ō, de kə́ dɔ nang tə́ gə̄ malang ń tɔ̄lə̄n̄də́ ō ní, mósə́də́ a̰ȳ nang tə́ i kem ɓē kə́ Babilon tə́.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

JEREMI 51:49

De gə̄ oyn̄ ngá̰ý dɔ nang tə́ malang kə taá najə̄ yā Babilon tə́. Ní, i gáŕ kadə̄ Babilon əsō tām̄ yā de kə́ Israel tə́ gə̄ oyn̄ ní.

JEREMI 51:35

Ādə̄ tápə̄ yāḿ gə̄ ō, yá̰á̰ kə́ to kum kaȳ aĺ yāḿ gə̄ ō tél əsōn̄ dɔ Babilon tə́. De kə́ Siyo̰ gə̄ asən̄ kəda najə̄ ń noō. Ādə̄ mósə́ḿ tél əsō dɔ Kalde gə̄ tə́. Jerusalem asə kəda najə̄ noō.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

IJAI 66:6

I beé ní, ōōī kōō yá̰á̰ kə́ kem ɓēé ń ɓār̄ toó, kōō yá̰á̰ kə́ kem kújə yā Kɔ́ɔ̄ɓē tə́ ń ɓār̄ toó. I Kɔ́ɔ̄ɓē n ra a adə̄ madə̄ ba̰ā̰n gə̄ yá̰á̰ ń nin̄ asən̄ kənge ní ní.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

JEREMI 25:14

Tɔdɔ̄ nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō, a o̰o̰n̄ ɓē dɔdə́ tə́. M-ā m-ādə̄ əgān̄ kə̄rā yá̰a̰ gə̄ ń rāān̄ ní ō, jī bēl̄ loo rāā yá̰a̰ yādə́ gə̄ ō.

JEREMI 50:10

Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

JEREMI 51:23

M-úniī m̄-tə̄ndań ngé kul̄ yá̰a̰ gə̄ ō, yá̰a̰ kul̄ yādə́ gə̄ ō, ngé ndɔr̄ gə̄ ō, man̄g ndɔr̄ yādə́ gə̄ ō, kɔsə ndɔr̄ yādə́ gə̄ ō, ngé ko̰o̰ ɓē gə̄ ō, ngé rāā sarya gə̄ ō.

JEREMI 51:56

A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

NŌŌ RƆ̄ 3:64

Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.

PĀ GƏ̄ 79:10

Ə́ya̰ ādə̄ nápar de gə̄ ədan̄ na Nə́ɓā yādə́ i rá i najə̄ rí tə́? Ādə̄ nápar de gə̄ gerə̄n̄ dan ń jə-rań jījí tə́ toō, kadə̄ a dalən̄ ba̰ā̰ ngé kəla yāí gə̄ ń tɔ̄lə̄n̄də́ ní.