JEREMI 51:21 - Bibəl ta Sar̄

²¹ M-úniī m̄-tə̄ndāń sə́nda gə̄ ō, ngé kaldə́ gə̄ ō. M-úniī m̄-tə̄ndāń púsə rɔ̄ɔ̄ gə̄ ō, ngé kal̄ kemeé gə̄ ō.

Bible sar

²¹ M-úniī m̄-tə̄ndāń sə́nda gə̄ ō, ngé kaldə́ gə̄ ō. M-úniī m̄-tə̄ndāń púsə rɔ̄ɔ̄ gə̄ ō, ngé kal̄ kemeé gə̄ ō.

JEREMI 51:21 Referans Kwoze

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

JAKARI 12:4

Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

MISE 5:10

M-ā m̄-nujə ɓē bo gə̄ kə́ dɔ nang yāsí tə́ ō, ndogə̄ mbal̄ yāsí kə́ ngan̄g ngá̰ý gə̄ malang ń ā ī-rɔ̄ɔ̄iń dɔ rɔ̄sí tə́ ní, m-ā m̄-ɓéngə̄lēdə́ nang tə́ kɔ̄ɔ́ ō.

JEJU TEĒ KUM JA̰A̰ 19:18

Kə reē kə əsan̄ dā̰ mban̄g gə̄ ō, dā̰ ngol áskar gə̄ ō, dā̰ de kə́ ngan̄g gə̄ ō, dā̰ sə́nda gə̄ kə ngé kal̄də́ gə̄ ō. Dā̰ de gə̄ malang, adə̄ i de gə̄ kə́ nin̄ i kɔ́ɔ̄ rɔ̄də́ gə̄ ō, ɓəlo gə̄ ō, kə́ dūú gə̄ ō, kə́ bo gə̄ ō.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

EJEKIEL 39:20

Loo yá̰a̰ kəsa kə́ ngá̰ý ngeé ń noō tə́ ní, ā ə́saī yá̰a̰ tītə̄ ń kemsí ndigə ní. Ā ə́saī sə́nda gə̄ ō, ngé kal̄ sə́nda gə̄ ō, áskar gə̄ ō, ngé rɔ̄ɔ̄ kə́ tayā tayā gə̄ ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

JEREMI 50:37

Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.

PĀ GƏ̄ 76:6

Táān̄ yá̰a̰ rɔ̄ɔ̄ gə̄ jī go̰ rɔ̄ɔ̄ gə̄ tə́ kɔ̄ɔ́, ɓīī ənda gōdə́ kɔ̄ɔ́. Go̰ rɔ̄ɔ̄ gə̄ ń noō tḭ̄ḭ̄n̄ ta yá̰a̰ malang kə́ jīdə́ tə́ kɔ̄ɔ́.

Teē Ngán Israel gə̄ 15:21

Miriam un dɔ pā ń toō adə̄də́: Ə̄nīī pā ɔ́siīneé gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo ngá̰ý. Ni-ɓōkə́ sə́nda gə̄ kə ngé kal̄də́ gēé kum bā bo tə́.

Teē Ngán Israel gə̄ 15:4

Ni-tə́nā púsə rɔ̄ɔ̄ gə̄ kə deē yā Parao̰ gēé kum bā bo tə́. Ngol ngé rɔ̄ɔ̄ kə́ Ejiptə gə̄ a̰ȳn̄ man̄ oyn̄ kum bā tə̄ɓā gə̄ tə́.

IJAI 43:17

Ni-rāā adə̄ púsə rɔ̄ɔ̄ gə̄ ō, sə́nda gə̄ ō teēn̄, kósə́ ngé rɔ̄ɔ̄ gə̄ kə́ ɓūtə̄ de gə̄ yādə́ gə̄ kə́ ngé kənī rɔ̄ɔ̄ kə ngangá gə̄ teēn̄. Nin̄ əsōn̄ i yā kḭḭ dɔɔ́ to̰ alé. Nin̄ kɔ́ gə̄ oyn̄ muk. Nin̄ o̰o̰n̄ hor tītə̄ kəlā hor kə́ to kem lámbá tə́ beē.