JEREMI 51:19 - Bibəl ta Sar̄

¹⁹ Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

Bible sar

¹⁹ Nə́ɓā yā Jakob to tītə̄də́ alé. I ni n i nge rāā yá̰a̰ malang ō, *Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 51:19 Referans Kwoze

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

PĀ GƏ̄ 73:26

m̄-ndəlē ō, dan wurəḿ ɔr ō, banī nge rāā seḿ ō, yá̰a̰ halaḿ ō, i ḭ̄ Nə́ɓā ta kaw̄ kə̄ jóo.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

PĀ GƏ̄ 74:2

Ādə̄ əga kemií dɔ gír deē yāí gə̄ ń télən̄ yá̰a̰ yāí gə̄ i jóó ngá̰ý tə́ ní. Ādə̄ əga kemií dɔ gír ɓē gə̄ ń i yá̰á̰ kə́ sɔɔ̄ī á ī-taā tə́ ní ō, ādə̄ əga kemií dɔ mbal̄ Siyo̰ ń ī-rāā kújə ndií dɔ tə́ ní ō.

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

JEREMI 10:12

Tɔdɔ̄ Nə́ɓā i nge ń rāā dɔ nang kə ta kūl̄ tɔ́gəneé ō, əndā yá̰a̰ gə̄ kə kum kedə̄ yānneé ō, teē kem dɔ rā̰ kə̄ gogə́ kə gō yá̰a̰ ger̄ yānneé ō ní.

JEREMI 33:2

Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé:

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

JEREMI 51:5

Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.