JEREMI 51:18 - Bibəl ta Sar̄

¹⁸ Nin̄ i yá̰á̰ kə́ kanjə̄ kumən gə̄, i yá̰a̰ kəgō yā de gə̄. Nin̄ a gətóon̄ kɔ̄ɔ́, dan ń kum mbang kə́ kadə̄ əngen̄ń ndéy ugə̄ ní.

Bible sar

¹⁸ Nin̄ i yá̰á̰ kə́ kanjə̄ kumən gə̄, i yá̰a̰ kəgō yā de gə̄. Nin̄ a gətóon̄ kɔ̄ɔ́, dan ń kum mbang kə́ kadə̄ əngen̄ń ndéy ugə̄ ní.

JEREMI 51:18 Referans Kwoze

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

JONAS 2:8

Kɔ́ɔ̄ɓē Nə́ɓā yāḿ, m-ā m-óy ngɔr. Loo ń noō tə́ əga kemḿ dɔí ḭ̄ Kɔ́ɔ̄ɓē tə́ ō, ndɔ̄ȳ yāḿ ḭḭ kum kə̄ dɔɔ́ aw̄ ugə̄ rɔ̄í tə́ kem kújə́ kə́ táĺ yāí tə́ ō.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 46:1

Nə́ɓā Bel rugə ngung, nə́ɓā Nebo teē əsō. Tə́ndān̄ yá̰a̰ gə̄ ń tɔ́sə̄n̄ kum gotədə́ ní dɔ man̄g kə́ bəra gə̄ tə́. Kété jóó ní a əhɔn̄də́ i kə̄ dɔɔ́ ngá̰ý loo rāā yá̰a̰ kūjə́ gə̄ tə́. Ngɔlaā ní, nin̄ i yá̰a̰ kətō kə́ ɔȳ gə̄ tām̄ yā dā̰ gə̄ ń tɔ́gə́də́ təgā kɔ̄ɔ́ tə́ ní.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.