JEREMI 51:15 - Bibəl ta Sar̄

¹⁵ Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

Bible sar

¹⁵ Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

JEREMI 51:15 Referans Kwoze

JEJU TEĒ KUM JA̰A̰ 4:11

Kɔ́ɔ̄ɓē Nə́ɓā yājí, ḭ̄ ásə kadə̄ ɔsən̄ gɔnií ō, rɔȳnī ō, ásə kənge tɔ́gə ō, tɔdɔ̄ i ḭ̄ n ī-rāā yá̰a̰ malang ní. Ḭ̄ ī-gḛy kadə̄ yá̰a̰ gə̄ ton̄ anī, yá̰a̰ gə̄ ní i kə́ kəndādə́.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

Makətūbə̄ ń Pol ndang adə̄ Rom gə̄ ní 1:20

Tɔdɔ̄ jóo nəkɔ́ ń Nə́ɓā rāań dɔ rā̰ ō dɔ nang ō toó ní, hálən kə́ majə kə́ dum̄ ka̰ā̰ gə̄, adə̄ i kə́ to ngándáńg ō, ngarān̄g kumən nəkɔ́ Nə́ɓā ō ní, deē a a̰a̰də́ i tū kəla rāān gə̄ tə́. I loo ń noō tə́ n najə̄ i dɔ de gə̄ tə́ malang ní.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

Gōsə̄ najə̄ gə̄ 3:19

Kɔ́ɔ̄ɓē rāā dɔ nang i kə kum kedə̄ yānneé. Ni-rāā dɔ rā̰ adə̄ ra ngan̄g i kə ta kūl̄ kur̄ dɔneé.

Makətūbə̄ yā Job 9:8

Ni teē kem dɔ rā̰ kə kérneé ō, njə̄rā dɔ bəngál bā bo gə̄ tə́ ō.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

IJAI 40:22

Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

PĀ GƏ̄ 136:5

I nəkɔ́ ngóy n rāā dɔ rā̰ kə kum kedēé ní, tɔdɔ̄ kem majə yān to ngándáńg.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

KƏLA RĀĀ 17:24

Nə́ɓā ń rāā dɔ rā̰ ō, dɔ nang ō, yá̰a̰ malang kə́ tū tə́ ō ní, ni i Kɔ́ɔ̄ɓē dɔ rā̰ tə́ ō dɔ nang tə́ ō. Tá kújə gə̄ ń de gə̄ rāān̄ kə jīdə́ tām̄ yān tə́ ní, ni-ndi kemeé aĺ ō.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 48:13

A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

PĀ GƏ̄ 107:25

Kɔ́ɔ̄ɓē əda najə̄ tan kógə̄ḿ anī nél balway əla, néĺ ní rāā adə̄ bəngál man̄ ḭḭ kə̄ dɔɔ́ kə̄ dɔɔ́.

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na: