Biblia Todo Logo
Bib sou entènèt

- Piblisite -




JEREMI 51:13 - Bibəl ta Sar̄

13 Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

Gade chapit la Kopi

Bible sar

13 Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

Gade chapit la Kopi




JEREMI 51:13
24 Referans Kwoze  

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.


Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.


Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā Israel m̄-ɓāríī kə rīí.


I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.


Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.


Nin̄-əgan̄ bumbə́ru kə̄ dɔdə́ tə́ dɔdə́ tə́ ō əgan̄ kɔŕ ō, nōōn̄ ō, əhɔn̄ ndoō ō, ba ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń ngé to bo gə̄ kə́ dɔ bā bo gə̄ tə́ malang əngen̄ yá̰a̰ i kə ta kūl̄neé ní, nujə sák sák kɔ̄ɔ́ i kum mbang kógə̄ḿ beē ngóy.


Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.


Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.


Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.


Kumən n toó: Mene ní kumən na i tə́dan̄, adə̄ Nə́ɓā tə́da ko̰o̰ ɓē yāí kɔ̄ɔ́ ō, rāā adə̄ gír ko̰o̰ ɓē yāí gān̄g kɔ̄ɔ́ ō.


De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.


Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.


Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.


Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.


Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.


Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.


Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.


Jə-ndi nang tə́ ta man̄ gə̄ kə́ Babilon tə́ jə-nōō, tɔdɔ̄ əga kemjí dɔ Siyo̰ tə́.


Swiv nou:

Piblisite


Piblisite