JEREMI 50:7 - Bibəl ta Sar̄

⁷ De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

Bible sar

⁷ De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

JEREMI 50:7 Referans Kwoze

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

JAKARI 11:5

Ngé mangdə́ gə̄ tɔ̄lə̄n̄də́, ba ɔjənə̄ń na n rāān̄ yá̰á̰ kógə̄ḿ kə́ majaĺ aĺ ō, ngé gātə̄ sedə́ gə̄ ədan̄ na ādə̄ jə-rāāī Nə́ɓā kə́ra, tām̄ jə-téliī ngé kənge yá̰a̰ gə̄ kɔ̄ɔ́ ō! Ngé kul̄də́ gə̄gē a kumdə́ o̰o̰də́ tām̄ yādə́ tə́ aĺ ō.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

1 TIMOTE 1:1

I mā Pol ń i ngōmbang kəla yā Kərist Jeju kə gō kem ndigə yā Nə́ɓā kə́ nge kajəjí ō, kə gō kem ndigə yā Kərist Jeju ń j-əndāī kemjí dɔn tə́ ō ní,

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

DANIEL 9:6

Ngé kəla yāí kə́ ngé koō ta gə̄ ń unən̄ rīí ɔr̄nneé najə̄ kə mban̄g yājí gə̄ ō, ngār yājí gə̄ ō, kaají gə̄ ō, de gə̄ malang kə́ kem ɓēé gə̄ ō ní, jə-mbātə́ koō najə̄ yādə́.

JEREMI 50:33

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda na ní n toó: Əndān̄ gúu dɔ ngán Israel gə̄ tə́ ō, dɔ ngán Juda gə̄ tə́ ō, kanjə̄ kɔr̄ kam̄də́ naā tə́. Ngé kɔydə́ kaw̄ sedə́ ɓəloó gə̄ əhɔn̄də́ ngan̄g, mbātə́n̄ kəya̰də́ dɔɔ́.

IJAI 56:9

Sḭḭ̄ dā̰ kə́ bembeé gə̄ malang ō, sḭḭ̄ dā̰ kə́ kem ku loo gə̄ tə́ ō, ī-reēī ə́saī yá̰a̰!

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

PĀ GƏ̄ 90:1

Ndɔ̄ȳ yā Moijə, deē yā Nə́ɓā. Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yājí kə dɔ ɓāl̄ gə̄ kə dɔ ɓāl̄ gə̄ ní.

PĀ GƏ̄ 79:7

tɔdɔ̄ nin̄ təgān̄ yá̰a̰ yā Jakob malang, nujən̄ loo yān sák sák kɔ̄ɔ́.

PĀ GƏ̄ 71:5

Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

EJEKIEL 34:5

Batə̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́, tɔdɔ̄ nge kul̄də́ gətóo. Adə̄ dā̰ kə́ bembeé gə̄ malang əhɔ əsan̄də́ kɔ̄ɔ́.

EJEKIEL 35:12

Loo ń noō tə́ ā ī-ger̄ kadə̄ mā Kɔ́ɔ̄ɓē m-ōō najə̄ gə̄ ń ī-tájəń ndū ní. Ḭ̄ ə́da na: Mbal̄ gə̄ kə́ Israel i yājí. Nujən̄ mbal̄ gə̄ kə́ Israel kɔ̄ɔ́, adə̄ nin̄ télən̄ i yá̰a̰ yājí.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

JEREMI 50:14

Sḭḭ̄ ngé kur gərā gə̄ malang, ə̄ndāī rɔ̄sí kə ta naá majə kə jī loo rɔ̄ɔ́ ō, ī-gīrī gidə ɓē kə́ Babilon ō. Ī-túr̄niī kə kum gərāá kanjə̄ kəya̰ gotə, tām̄ ni-rāā yá̰á̰ kə́ majaĺ kə Kɔ́ɔ̄ɓēé.