JEREMI 50:31 - Bibəl ta Sar̄

³¹ Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

Bible sar

³¹ Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 50:31 Referans Kwoze

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

EJEKIEL 38:3

Ā ə́dan na: Najə̄ gə̄ Kɔ́ɔ̄ɓē Nə́ɓā ɔr̄ ní n toó: Ngār kə́ bo yā gír de gə̄ kə́ Mesek ō kə́ Tubal ō, m-ā m̄-rāā yá̰á̰ kə́ tōr̄ seí.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

JEREMI 50:32

Nge ngonjə̄ bḭ́ḭ̄ ō, teē əsō ō. De kə́ yā kunən dɔɔ́ gətóo. M-ə́la hor dɔ ɓē yān gə̄ tə́, adə̄ o̰o̰ loo kə gō gidənneé malang.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 48:29

J-oō hoy kɔjə rɔ̄ yā Moab i kun ta rɔ̄ kə́ al̄ naā ngá̰ý, i ta ngan̄g ō, i kɔjə rɔ̄ ō, i tə́da najə̄ ō, i kɔjə kasə rāā yá̰a̰ ō kə́ ba̰ý beē.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.