JEREMI 50:26 - Bibəl ta Sar̄

²⁶ Ḭ́ḭī kə̄ ta ngóy dɔ nang gə̄ tə́ ba ī-reēī Babilon. Ī-téēī ta mō̰ȳ yān gə̄ ō, ɔ́yiī yá̰a̰ kənge yān gə̄ ī-kánī ādə̄ ra dɔ naā tə́ bing ō. Ī-nujiī ɓē sák sák kɔ̄ɔ́ ādī yá̰á̰ kógə̄ḿ na̰y alé.

Bible sar

²⁶ Ḭ́ḭī kə̄ ta ngóy dɔ nang gə̄ tə́ ba ī-reēī *Babilon. Ī-téēī ta mō̰ȳ yān gə̄ ō, ɔ́yiī yá̰a̰ kənge yān gə̄ ī-kánī ādə̄ ra dɔ naā tə́ bing ō. Ī-nujiī ɓē sák sák kɔ̄ɔ́ ādī yá̰á̰ kógə̄ḿ na̰y alé.

JEREMI 50:26 Referans Kwoze

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

JEREMI 50:10

Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

IJAI 45:3

Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā Israel m̄-ɓāríī kə rīí.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

JEJU TEĒ KUM JA̰A̰ 14:19

Anī de kə́ dɔ rā̰ tə́ ní ənī ngorong yān dɔ nang tə́ əjań kan̄ kāgə̄ nduú kə́ dɔ nang tə́, ba ɓōkə́ kem bay kə́ bo ń i bay wōn̄g yā Nə́ɓā ní tə́.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

JEREMI 50:41

Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ō, mban̄g kə́ ngá̰ý gə̄ ō ḭḭn̄ ta ngóy dɔ nang tə́ a reēn̄ noó.

JEREMI 50:23

Kété ní Babilon i mūú kə́ nge rējə̄ de gə̄ malang kə́ dɔ nang tə́. Ba ń toō ɓáa, tétə̄nən̄ naā tə́ rárák kɔ̄ɔ́. Ní, rāān̄ yá̰á̰ ń noō i ba̰ý? Babilon tél i ɓē kə́ nujə sák sák kɔ̄ɔ́ dan ɓē gə̄ yā nápar de gə̄ tə́.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEREMI 50:13

Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

MATIYE 6:26

Á̰a̰ī yel̄ kə́ dɔɔ́ gə̄: Nin̄-dubə̄n̄ kōō aĺ ō, əjan̄ kōō aĺ ō, ɔyn̄ kōō kə̄ kem mōyō̰ó̰ aĺ ō, banī Bɔbə̄sí ń ndi dɔ rā̰ tə́ ní adə̄də́ yá̰a̰ kəsa! Sḭḭ̄ ī-tɔyī yel̄ gə̄ sa̰y ngá̰ý aĺ a?