JEREMI 50:25 - Bibəl ta Sar̄

²⁵ Kɔ́ɔ̄ɓē teē ta loo ngɔ̄m̄ yá̰a̰ rɔ̄ɔ̄ yān gə̄ malang ō, ɔy yá̰a̰ gə̄ ní teēn̄ ndágá kə wōngōó ō. A̰á̰ā̰, i kəla rāā Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý kem ɓē yā Kalde gə̄ tə́.

Bible sar

²⁵ Kɔ́ɔ̄ɓē teē ta loo ngɔ̄m̄ yá̰a̰ rɔ̄ɔ̄ yān gə̄ malang ō, ɔy yá̰a̰ gə̄ ní teēn̄ ndágá kə wōngōó ō. A̰á̰ā̰, i kəla rāā Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý kem ɓē yā Kalde gə̄ tə́.

JEREMI 50:25 Referans Kwoze

JEREMI 51:55

I Kɔ́ɔ̄ɓē n nujə kə ɓē kə́ Babilon ní. Ni-rāā adə̄ asə de kə́ kemeé gə̄ kəga kɔŕ kə́ al̄ naā gə̄, ká ré ndūdə́ ɓār̄ tītə̄ bəngál man̄ kə́ ngá̰ý gə̄gē beé anī, ni-rāā adə̄ tél ndin̄ tadə́ mbóo.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

PĀ GƏ̄ 45:5

Āl̄ sə́nda ō, úr gərā ō, ba ī-tetə rɔ̄ɔ̄ tām̄ yā najə̄ kə́ rɔ̄kum tə́ ō, yā rɔ̄ɔń dɔ ngé ndoō gə̄ tə́ ō, dɔ yá̰á̰ kə́ súmūú tə́ ō! Ādə̄ jī ko̰í rāā yá̰á̰ kə́ to ɓōĺ gə̄.

PĀ GƏ̄ 45:3

Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

IJAI 13:15

Ngé gə̄ ń a əngen̄də́ ní a urən̄də́ kə gərāá, ngé gə̄ ń a əhɔn̄də́ ní a oyn̄ yo kaskar.