JEREMI 50:21 - Bibəl ta Sar̄

²¹ Āw̄ ə̄nī ɓē kə́ Maratim rɔ̄ɔ̄. Ə̄nīn rɔ̄ɔ̄ ō, ənī Pekod gə̄ rɔ̄ɔ̄ ō. Gotə de gə̄ ń a na̰yn̄ ní, ī-tɔ̄l̄də́ náḿ náḿ ādə̄m̄. Ī-rāā yá̰a̰ malang kə gō ń m-ə́daī ní. Najə̄ ń Kɔ́ɔ̄ɓē əda ní n noó.

Bible sar

²¹ Āw̄ ə̄nī ɓē kə́ Maratim rɔ̄ɔ̄. Ə̄nīn rɔ̄ɔ̄ ō, ənī Pekod gə̄ rɔ̄ɔ̄ ō. Gotə de gə̄ ń a na̰yn̄ ní, ī-tɔ̄l̄də́ náḿ náḿ ādə̄m̄. Ī-rāā yá̰a̰ malang kə gō ń m-ə́daī ní. Najə̄ ń Kɔ́ɔ̄ɓē əda ní n noó.

JEREMI 50:21 Referans Kwoze

EJEKIEL 23:23

M-ā m̄-reē kə Babilon gə̄ ō, Kalde gə̄ malang ō, de kə́ kem ɓē kə́ Pekod tə́ gə̄ ō, Sowa tə́ gə̄ ō, Kowa tə́ gə̄ ō, de kə́ Asiri gə̄ a reēn̄ sedə́ ō. M-ā m-ɔ́sə dɔ de kə́ dəngam gə̄ ń noō naā tə́. Nin̄ i de kə́ balsáa gə̄ ō, majən̄ deē ō, nin̄ i ngé ko̰o̰ ɓē gə̄ ō, ngé gān̄g sarya gə̄ ō, nin̄ i ngé rɔ̄ɔ̄ gə̄ ō, ngé kəla kə́ bo gə̄ ō, nin̄ malang ní gerə̄n̄ kal̄ sə́nda majə ō.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

JEREMI 48:10

Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

2 YÁ̰A̰ GƏ̄ 36:23

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́ adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā dɔḿ tə́ kadə̄ m̄-rāā kújə́ kógə̄ḿ Jerusalem kə́ Juda tə́ kə m-ādə̄n ō. Ní, i náā kə́ dansí tə́ n i de kə́ gírən teē i dan deē yān gə̄ tə́ ní? Ādə̄ Kɔ́ɔ̄ɓē Nə́ɓā yān i seneé ō, ādə̄ kɔ́ɔ̄ aw̄ ō.

2 MBAN̄G 18:25

m̄-reē rɔ̄ɔ̄ ɓē ń toō tə́ yā nujəń kɔ̄ɔ́ i kanjə̄ kadə̄ Kɔ́ɔ̄ɓē ndigə gōḿ tə́ a? I Kɔ́ɔ̄ɓē n ədam̄ na kə m̄-reē kə m̄-rɔ̄ɔ̄ ɓē ń toō, ba kə m̄-nujəń sák sák kɔ̄ɔ́ ní!

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

NDŪ NAJƏ̄ 33:27

Nə́ɓā kə́ nge ndi ngándáńg i loo ɓɔ̄ɔ̄ rɔ̄ yāí. Nəkɔ́ ń jóo bátə́ ɓōólaā toó ní, tɔ́gən i ngá̰ý dɔ nang tə́ laā. I ni n tə̄ɓā madə̄ ba̰ā̰í gə̄ noí tə́ ō, mērī tɔ̄l̄də́ kɔ̄ɔ́ ō ní.

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.