JEREMI 50:20 - Bibəl ta Sar̄

²⁰ Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

Bible sar

²⁰ Dan ń noō tə́ ní, de gə̄ a saān̄ yá̰á̰ kə́ to gō jī aĺ ń *Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń *Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

JEREMI 50:20 Referans Kwoze

MISE 7:19

Ā ī-tél kadə̄ kumií a o̰o̰ī tām̄ yājí tə́ ɓáý. Adə̄ ā ə̄ndā njaí dɔ mān̄ dɔ ndū najə̄ gə̄ yājí tə́ ō, yá̰a̰ rāājí kə́ gōtə́ aĺ gə̄ malang ní, ā ī-ɓōkə́də́ gír bā boó kɔ̄ɔ́ ō!

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

PĀ GƏ̄ 103:12

Tītə̄ ń gír ɓē i sa̰y rɔ̄ loo kə́ no ɓē tə́ ní, tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

TƏ́DA 23:21

Kɔ́ɔ̄ɓē a̰a̰ yá̰á̰ kə́ majaĺ dan ngán Israel gə̄ tə́ aĺ ō, ni-a̰a̰ yá̰á̰ kə́ gōtə́ aĺ dɔ dáńdə́ tə́ aĺ ō. Ni i Nə́ɓā yādə́ ō, ni-ndi i dɔ dáńdə́ tə́ ō. Nin̄ ɓōkə́n̄ mban̄g yādə́ ń i Kɔ́ɔ̄ɓē ní tɔ̄ȳ ō.

Makətūbə̄ ń Pol ndang adə̄ Rom gə̄ ní 6:13

Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

Makətūbə̄ ń Pol ndang adə̄ Rom gə̄ ní 11:6

Ba ré ɔjəń i dɔ rajə anī, i tām̄ yā kəla rāādə́ gə̄ tə́ to̰ alé. Tɔdɔ̄ ré i tām̄ yā kəla rāādə́ gə̄ tə́ anī, rajə ní i rajə to̰ alé.

Makətūbə̄ ń Pol ndang adə̄ Rom gə̄ ní 5:16

Yá̰á̰ kə́ teē loo kadə̄ karī yā Nə́ɓā tə́ ō, kə́ loo rāā majaĺ yā de kə́ kal kógə̄ḿ beé tə́ ō, a asən̄ naā i ba̰ý? Tɔdɔ̄ sarya rāā majaĺ yā de kə́ kal kógə̄ḿ beē ń toō a teē i yo. Ba yá̰á̰ ń Nə́ɓā adə̄ de gə̄ karī gō majaĺ yādə́ gə̄ kə́ rāān̄ nja ngá̰ý gə̄ tə́ ní, i kadə̄ nin̄-télən̄ de kə́ súmūú gə̄.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

JEREMI 33:8

M-ā m̄-tə́gó yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ ní kadə̄ unjə̄n̄ njáý njáý. M-ā m̄-mā̰ȳ rɔ̄ḿ dɔ yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ kə gō mbātə́ kə́ nin̄ mbātə́mə̄n̄ tə́ ní.

EJEKIEL 18:22

Yá̰a̰ malang kə́ gōtə́ aĺ ń ni-rāā ní, dɔdə́ a ndígə̄nal dɔ tə́ kɔ̄ɔ́ ō, ni a ndi kə kumneé sɔɔ̄ń yá̰á̰ kə́ majə ń ni-rāā ní ō.

JAKARI 3:9

M-ə̄ndā mbal̄ kógə̄ḿ no Yesua tə́. Kum yá̰á̰ kə́ ndə́lē gə̄ sīrí i dɔ mbal̄ kə́ kógə̄ḿ beē nəkɔ́ ń noō tə́. Mə̄kɔ́ m-ā m̄-ndang yá̰á̰ kógə̄ḿ dɔ tə́ ō, yá̰a̰ rāā kə́ gōtə́ aĺ gə̄ kə́ kem ɓēé ń toō tə́ ní, m-ā m-ɔ̄r̄ kɔ̄ɔ́ i kem ndɔ̄ kógə̄ḿ beē ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

PĀ GƏ̄ 85:3

Yá̰á̰ kə́ gōtə́ aĺ ń gír deē yāí gə̄ rāān̄ ní, ḭ̄ ún dɔdə́ tə́ kɔ̄ɔ́. Yá̰á̰ kə́ majaĺ gə̄ malang ń nin̄ rāān̄ ní, ḭ̄ ī-mā̰ȳ rɔ̄í dɔ tə́.

IJAI 10:21

Gotə gə̄ ń a na̰yn̄ ní a télən̄ yā reē. A̰á̰ā̰, gotə Israel gə̄ ń a na̰yn̄ ní a tūrə̄n̄ rɔ̄də́ kə̄ rɔ̄ Nə́ɓā kə́ tɔ́gən to tə́

NŌŌ RƆ̄ 4:22

Ngōmandə kə́ Siyo̰ gír najə̄ kə́ dɔ yá̰á̰ kə́ gōtə́ aĺ yāí gə̄ tə́ ní gān̄g tā. A əhɔnī dɔ gúú tə́ yā kaw̄ seí dɔ nang kə́ rang tə́ to̰ alé. Ba ḭ̄ ngōmandə kə́ Edom, a teēn̄ kə yá̰a̰ rāāí kə́ gōtə́ aĺ gə̄ kə̄ ndágá náḿ náḿ ō, a ənīn̄ gotə kə ta njaá ō.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.