JEREMI 50:18 - Bibəl ta Sar̄

¹⁸ I tāmə̄n̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé ní: M-ā m̄-rāā yá̰á̰ kə́ tōr̄ kə mban̄g kə́ Babilon ō, ɓē yān ō, tītə̄ ń m-ə́ndań mban̄g kə́ Asiri tə́ ní.

Bible sar

¹⁸ I tāmə̄n̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé ní: M-ā m̄-rāā yá̰á̰ kə́ tōr̄ kə mban̄g kə́ Babilon ō, ɓē yān ō, tītə̄ ń m-ə́ndań mban̄g kə́ Asiri tə́ ní.

JEREMI 50:18 Referans Kwoze

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

NAHUM 3:7

Loo ń noō tə́ de gə̄ malang ń a a̰a̰īn̄ ní, a a̰ȳn̄ naā kə kɔrɔ́ tadə́ tə́: Nujən̄ ɓē kə́ Ninibə kɔ̄ɔ́! I náā ń kumən a o̰o̰n tām̄ yān tə́ ní? Ɓē kə́ Ninibə, ngé kəla go̰ kemií tə́ gə̄ ní, deē a əngedə́ i rá tām̄ yāí tə́?

NAHUM 3:18

Ḭ̄ mban̄g kə́ Asiri, ngé ko̰o̰ ɓē yāí gə̄ ɓīīn̄ i ɓīī kə́ njɔ́ḿ gə̄ tə́ ō, go̰ rɔ̄ɔ̄ yāí gə̄ ɔrən̄ rɔ̄də́ mer to̰ aĺ ō. Gír deē yāí gə̄ tə̄ndān̄ naā tḭ̄ḭ̄n̄ kə̄ dɔ mbal̄ bo gə̄ tə́ ō, de kə́ yā kɔsə njadə́ kə̄ naā tə́ gətóo ō.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!