JEREMI 50:15 - Bibəl ta Sar̄

¹⁵ Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

Bible sar

¹⁵ Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

JEREMI 50:15 Referans Kwoze

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

JEJU TEĒ KUM JA̰A̰ 18:6

Yá̰á̰ ń ni-rāā kə madə̄n gēé ní, ī-rāāī seneé ō, yá̰á̰ ń ni-rāā ní ī-rāāī seneé loo nja kə́ jōó tə́ ō, kópə ń ni guŕ kasə nduú kemeé adə̄ de gə̄ ní, ī-guríī kemeé loo nja kə́ jōó tə́ ādīin̄ ō.

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

NŌŌ RƆ̄ 5:6

J-əla jījí i kum kə̄ rɔ̄ Ejiptə tə́ ō, rɔ̄ Asiri tə́ ō tá jə-gədeń yá̰a̰ j-əsa adə̄ ndān̄jí.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ kāgə̄ nduú gə̄ beé.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

2 YÁ̰A̰ GƏ̄ 30:8

Ngɔlaā ní ī-lōōī rāā dɔ ngan̄g tītə̄ yādə́ ba ōōī ta Kɔ́ɔ̄ɓē. ī-tél ī-reēī gogə́ loo kə́ táĺ yān ń ɔr̄ kamə̄n tayā kə́ njɔ́ḿ gə̄ tə́ tə́ ní ō, ādə̄ sḭḭ̄ i ngé rāā kəla gə̄ yā Kɔ́ɔ̄ɓē Nə́ɓā yāsí ō. Loo ń noō tə́ wōn̄g ń rāān sesí ngá̰ý ní a tetə.

1 YÁ̰A̰ GƏ̄ 29:24

Ngār gə̄ malang ō, go̰ rɔ̄ɔ̄ gə̄ ō, gotə ngán Dabid kə́ rang gə̄ malang ō, əlan̄ dɔdə́ gír tɔ́gə yā mban̄g Salomo̰ tə́.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 17:18

Usə mban̄g kə́ Israel tə́ dɔ túbə́ ń ni túbə́ tə́ ní alé, adə̄ ni-ra dɔ ndūdə́ ń ənīn̄ adə̄n̄ naā tə́ ní alé. Dan ń ni ənī ndūn pá tá rāā yá̰a̰ beé ní, ni a teē kum tə́ alé.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

JEREMI 50:14

Sḭḭ̄ ngé kur gərā gə̄ malang, ə̄ndāī rɔ̄sí kə ta naá majə kə jī loo rɔ̄ɔ́ ō, ī-gīrī gidə ɓē kə́ Babilon ō. Ī-túr̄niī kə kum gərāá kanjə̄ kəya̰ gotə, tām̄ ni-rāā yá̰á̰ kə́ majaĺ kə Kɔ́ɔ̄ɓēé.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

IJAI 59:17

Yá̰a̰ rāā kə́ gōtə́ i kūbə̄ rɔ̄ɔ̄ ń ni-əla rɔ̄n tə́ ní, kajə deē i jākā ń ni-əla dɔn tə́ ní. Rāā ba̰ā̰ i kūbə̄ ń ni utə̄ń gidə rɔ̄n ní. Təngā ta rɔ̄ɔ̄ tə́ i kūbə̄ ń ɓírə̄n ní.

PĀ GƏ̄ 149:7

I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,

PĀ GƏ̄ 94:1

Kɔ́ɔ̄ɓē, Nə́ɓā kə́ nge rāā ba̰ā̰, Nə́ɓā kə́ nge rāā ba̰ā̰, ɔ́jə kə̄ ndágá kadə̄ ī-ndi noó.

1 SAMUEL 15:33

Banī Samuel əda Agag na: Kaskar yāí rāā adə̄ dəyá̰ gə̄ nalən̄ ngáńdə́ gə̄ ní, kó̰ó̰í a nal̄ ngōnən dan dəyá̰ madə̄n gə̄ tə́ ō. Loo ń noō tə́ Samuel tɔ̄l̄ Agag ta kum Kɔ́ɔ̄ɓē tə́ Gilgal.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

JEREMI 50:25

Kɔ́ɔ̄ɓē teē ta loo ngɔ̄m̄ yá̰a̰ rɔ̄ɔ̄ yān gə̄ malang ō, ɔy yá̰a̰ gə̄ ní teēn̄ ndágá kə wōngōó ō. A̰á̰ā̰, i kəla rāā Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý kem ɓē yā Kalde gə̄ tə́.

JEREMI 50:44

Tɔdɔ̄ i náā n to tītə̄ḿ mā ní? Tītə̄ ɓɔl kə́ al̄ bup teē dɔ gɔ́sə bā Jurdḛ tə́ yā kaw̄ kum kə̄ loo kə́ man̄ ra tū tə́ tə́ beē. M-ā m̄-rāā kadə̄ de gə̄ a̰ȳn̄ naā kɔ̄ɔ́ Babilon tə́ gidə kógə̄ḿ, m-ā m̄-bə̄gā ngé rɔ̄ɔ̄ kə́ balsáa gə̄ dɔn tə́. I nge kul̄ yá̰á̰ kə́ rá n a asə dum̄ taḿ mā ní?

JEREMI 51:24

Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.