JEREMI 50:11 - Bibəl ta Sar̄

¹¹ A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

Bible sar

¹¹ A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

JEREMI 50:11 Referans Kwoze

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

JAKARI 14:12

Yá̰á̰ kə́ tōr̄ gə̄ ń Kɔ́ɔ̄ɓē a reēń dɔ gír de gə̄ ń rɔ̄ɔ̄n̄ ɓē kə́ Jerusalem ní n toó: Dā̰də́ a ndum dan ń nin̄ a ndin̄ kə kumdə́ ɓáý ní ō, kumdə́ a ndum kem kārə̄n tə́ ō, ndo̰də́ a ndum kem tadə́ tə́ ō.

ABƏDIAS 1:12

Edom, dan ń á̰á̰ ngákó̰ó̰í gə̄ kum mbang ń tadə́ i kə̄ tḭ̄ḭ̄ kɔ̄ɔ́ tə́ ní, majə kadə̄ ī-rāā rɔ̄nel̄ alé. Kum mbang ń nujən̄neédə́ kɔ̄ɔ́ tə́ ní, majə kadə̄ rɔ̄í nelī aĺ ō, kum mbang ń wur kɔl a əsōń dɔdə́ tə́ ní, majə kadə̄ ī-tájə̄də́ aĺ ō.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

OJEE 10:11

Epəraim i duĺ man̄g kə́ ndóōnən̄ yá̰a̰ majə, nelə̄n səɓā kōō gémē ngá̰ý. Mā tā a dan ń m-á̰á̰ míndən kə́ majə ngá̰ý ní, m̄-ndigə kənī yá̰á̰ míndən tə́ yā rāāń kəla: Juda a ndɔr̄, ba Israel a tɔ̄ɔ̄ nán̄g ta kɔsə kə yá̰a̰ jɔ̄r̄yɔ̄ nán̄g ta kɔsɔɔ́.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

JEREMI 5:8

Nin̄ i sə́ndá kə́ bəra kə́ bo majə gə̄. Náā nəkɔ́ ɓáa əga kɔŕ gō nə̄yá̰ madə̄n tə́.

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

PĀ GƏ̄ 22:12

Ní ī-lōō kadə̄ danií i sa̰y rɔ̄ḿ tə́, tɔdɔ̄ yá̰á̰ kə́ ngan̄g dɔ i ngɔr ō, de kə́ yā rāā seḿ gətóo ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

JEREMI 46:20

Ejiptə i mandə man̄g kə́ majə ngá̰ý, banī kón̄g mba gə̄ ḭḭn̄ dām̄ mbɔ́r ɓē kə́ ko̰ó̰ tə́ reē əhɔn̄ loo dɔn tə́.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

HABAKUK 1:15

Babilon gə̄ əhɔn̄ de gə̄ tītə̄ loo kəhɔ kānjə̄ kə kuyūú beē. Nin̄ tél reēn̄ sedə́ gogə́ kem réng yādə́ gə̄ tə́ ō, rɔ̄də́ nel̄də́ tītə̄ kə́ a̰ȳn̄ i kɔ̄r̄ beé ō.