JEREMI 50:10 - Bibəl ta Sar̄

¹⁰ Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

Bible sar

¹⁰ Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

JEREMI 50:10 Referans Kwoze

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 17:16

Gajə dā̰ kə́ kutə gə̄ ń na m-á̰a̰ā̰ ō, dā̰ ní ō, a imə̄n̄ dəyá̰ kə́ nge rāā ájə́ba ní. Nin̄ na a taān̄ yá̰a̰ yān malang adə̄ rɔ̄n i karī. Nin̄ na a əsan̄ dā̰n ba na a róōn̄ gotən kə́ na̰y horoó.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

IJAI 45:3

Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā Israel m̄-ɓāríī kə rīí.

IJAI 33:23

Kəlā yā madə̄ ba̰ā̰ gə̄ i kə́ əhɔ naā ngan̄g alé, kəlā gə̄ ní əhɔn̄ kāgə̄ ngaadanən ń udən̄ kem to boó ní to̰ alé. Deē asə ndɔ́r̄ kūbə̄ nēl̄ to kadə̄ aw̄ dɔɔ́ to̰ alé. I tām̄ najə̄ ń toō tə́ n a kēgə̄n̄ naā yá̰a̰ kənge kə́ ngá̰ý ní. Ngé nja motə gə̄gē a ɔyn̄ yá̰a̰ kənge dɔ gúú tə́ ō.

IJAI 33:4

Loo ń noō tə́ kɔy yá̰a̰ kənge dɔ gúú tə́ əla gír. De gə̄ ton̄ tītə̄ yim̄ gə̄ beé. De gə̄ urən̄ naā kə̄ dɔ yá̰a̰ kənge gə̄ tə́ tītə̄ yim̄ gə̄ kə́ ton̄ tītə̄ kil̄ man̄ beé.

JEREMI 50:26

Ḭ́ḭī kə̄ ta ngóy dɔ nang gə̄ tə́ ba ī-reēī Babilon. Ī-téēī ta mō̰ȳ yān gə̄ ō, ɔ́yiī yá̰a̰ kənge yān gə̄ ī-kánī ādə̄ ra dɔ naā tə́ bing ō. Ī-nujiī ɓē sák sák kɔ̄ɔ́ ādī yá̰á̰ kógə̄ḿ na̰y alé.

JEREMI 51:24

Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

JEREMI 51:35

Ādə̄ tápə̄ yāḿ gə̄ ō, yá̰á̰ kə́ to kum kaȳ aĺ yāḿ gə̄ ō tél əsōn̄ dɔ Babilon tə́. De kə́ Siyo̰ gə̄ asən̄ kəda najə̄ ń noō. Ādə̄ mósə́ḿ tél əsō dɔ Kalde gə̄ tə́. Jerusalem asə kəda najə̄ noō.

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

JEREMI 50:37

Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!