JEREMI 50:1 - Bibəl ta Sar̄

¹ Najə̄ kə́ Kɔ́ɔ̄ɓē ɔr̄ kə ɓē kə́ Babilon, ɓē yā Kalde gə̄, kə ta kūl̄ Jeremi nge koō taā ní n toó.

Bible sar

¹ Najə̄ kə́ Kɔ́ɔ̄ɓē ɔr̄ kə ɓē kə́ *Babilon, ɓē yā Kalde gə̄, kə ta kūl̄ Jeremi *nge koō taā ní n toó.

JEREMI 50:1 Referans Kwoze

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

KƏLA RĀĀ 7:4

Loo ń noō tə́ Abəraham əya̰ dɔ nang yā Kalde gə̄ ba aw̄ ndi Haran. Dan ń bɔbə̄n oy kɔ̄ɔ́ anī, Nə́ɓā ɔrə̄n Haran ba reē seneé dɔ nang ń ī-ndiī tū tə́ ɓōólaā toó.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

IJAI 23:13

Ādə̄ əga kemsí dɔ ɓē yā Babilon gə̄ tə́: Gír de gə̄ ń noō gətóon̄ kɔ̄ɔ́. Dɔ nang kə́ Asiri rāā ɓē ní adə̄ tél i ɓē yā dā̰ kə́ bembeé gə̄. De kə́ Asiri gə̄ rāān̄ kújə́ kə́ ngāl̄ ɓururu kə̄ dɔɔ́ gə̄ yā kənīnneé rɔ̄ɔ̄. Nin̄ tétə̄n̄ kújə ngol yān gə̄ nang tə́ kɔ̄ɔ́ ō, nin̄ rāān̄ adə̄ ni-tél i kɔkərɔ kə́ kán̄ dɔ naā tə́ bing ō.

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

Makətūbə̄ yā Job 1:17

Ni a ɔr̄ najə̄ kə̄ tan tə́ ɓáý anī, nge kə́ rang reē əda na: De kə́ Kalde tə́ gə̄ kə́ ɓūtə̄də́ gír i mətá reē əhɔn̄ jámbal gə̄ aw̄n̄neé ō, tɔ̄lə̄n̄ ngé kəla yāí gə̄ malang kɔ̄ɔ́ kə kaskaraá ō. I mā ngóy n m̄-teē á m̄-reē kadə̄ m-ə́daī ní.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

TA KƏLA 10:10

Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

JEJU TEĒ KUM JA̰A̰ 14:8

Anī de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə nduú ń i ájə́ba kɔ̄r̄ yān ní adə̄ a̰ȳn̄.

TA KƏLA 11:9

I tām̄ najə̄ ń noō tə́ n əndānəń rī ɓē ní na i Babel ní. Tɔdɔ̄ Kɔ́ɔ̄ɓē tə́la ta yā de kə́ dɔ nang tə́ gə̄ malang naā tə́ i loo ń noō tə́ ō, ni tə̄ndā tḭ̄ḭ̄də́ kə̄ loo gə̄ tə́ dɔ nang tə́ malang i loo ń noō tə́ ō.

2 MBAN̄G 17:24

Mban̄g kə́ Asiri ɔy de kə́ Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

DANIEL 1:1

Kem ɓāl̄ ko̰o̰ ɓē kə́ nge ko̰ mətá yā Joakim mban̄g kə́ Juda tə́ ní, Nabukodonosor mban̄g kə́ Babilon reē gīr̄ ɓē kə́ Jerusalem kə rɔ̄ɔ́.