JEREMI 5:8 - Bibəl ta Sar̄

⁸ Nin̄ i sə́ndá kə́ bəra kə́ bo majə gə̄. Náā nəkɔ́ ɓáa əga kɔŕ gō nə̄yá̰ madə̄n tə́.

Bible sar

⁸ Nin̄ i sə́ndá kə́ bəra kə́ bo majə gə̄. Náā nəkɔ́ ɓáa əga kɔŕ gō nə̄yá̰ madə̄n tə́.

JEREMI 5:8 Referans Kwoze

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

EJEKIEL 22:11

Ngé kə́rēý gə̄ i ngé sāā nə̄yá̰ madə̄də́ gə̄ ō, ngé kə́ rang gə̄ i ngé sāā nə̄yá̰ ngáńdə́ gə̄ aláa i ngé sāā kem bəra madə̄də́ gə̄ dɔ gúú tə́ ō.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

Makətūbə̄ yā Job 31:9

Ré kemḿ gḛy dəyá̰ kə́rēý tām̄ majən tə́, adə̄ m̄-rā m-ūmən ta kújə yā madə̄ ɓēḿ tə́ anī,

NDŪ NAJƏ̄ 5:21

Ī-lōō sāā ɓīī kə nə̄yá̰ madí. Ā ī-ndə̄ngā yá̰a̰ yān kógə̄ḿ alé. Ā ī-ndə̄ngā kújə yān aĺ ō, ndɔr̄ yān aĺ ō, nge kəla yān kə́ dəngam aĺ ō, kə́ dəyá̰ aĺ ō, man̄g yān aĺ ō, kərō yān aĺ ō.

NDŪ NAJƏ̄ 5:18

Ā ī-sāāī naā loo kaya tə́ alé.

Teē Ngán Israel gə̄ 20:17

Ā ī-ndə̄ngā yá̰a̰ yā madí, adə̄ i kújə yān aĺ ō, nə̄yá̰n al̄ ō, nge kəla yān kə́ dəngam al̄ ō, nge kəla yān kə́ dəyá̰ al̄ ō, man̄g yān aĺ ō, kərō yān aĺ ō.

Teē Ngán Israel gə̄ 20:14

Ā ī-sāāī naā loo kaya tə́ alé.

TA KƏLA 39:9

Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

Gōsə̄ najə̄ gə̄ 6:29

De kə́ nge sāā nə̄yá̰ madə̄n to i tītə̄ ń noō: Nge kɔdə rɔ̄ nə̄yá̰ madə̄n a teē kum tə́ karī alé.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.