JEREMI 5:31 - Bibəl ta Sar̄

³¹ Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

Bible sar

³¹ Ngé koō ta gə̄ ɔrə̄n̄ najə̄ kə́ rɔ̄kum aĺ ō, *ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

JEREMI 5:31 Referans Kwoze

EJEKIEL 13:6

Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

IJAI 20:6

Ndɔ̄ ngeé ń noō tə́ ní, ngé gə̄ ń ndin̄ ɓē ta bā bo tə́ ní, a ədan na: Yá̰á̰ ń a rāā ngé gə̄ ń j-əndāī kemjí dɔdə́ tə́ ní n noó! Jə-ndigiī ɓɔ̄ɔ̄ rɔ̄jí ɓēé loodə́ i yā kəngeń rāā kə́ kadə̄ rāān̄ sejí ō, kadə̄ gāngə̄n̄ dɔjí jī mban̄g kə́ Asiri tə́ ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

IJAI 47:7

Ḭ̄ ə́da na ā ī-ndi kə kumií ngándáńg, na ā ī-ndi mban̄g kə́ dəyá̰ kə́ njɔ́ḿ gə̄ tə́. Ḭ̄ ī-gír̄ yá̰a̰ dɔ yá̰a̰ gə̄ ń toō tə́ alé, ḭ̄ ī-gír̄ dɔ ndɔ̄ kə́ bírí tə́ alé.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

JEREMI 26:7

Ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓēé ō, oōn̄ najə̄ gə̄ ń Jeremi ra a ɔr̄ kem kújə yā Kɔ́ɔ̄ɓē tə́ ní

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

NŌŌ RƆ̄ 4:18

De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

OJEE 6:10

M-á̰á̰ yá̰á̰ kə́ majaĺ ngá̰ý gə̄ kem ɓē kə́ Israel tə́: Epəraim rāā ájə́ba i loo ń noō tə́. A̰á̰ā̰, rāān̄ Israel adə̄ tél de kə́ yḛr i najə̄ yá̰á̰ ń noō tə́.

OJEE 9:5

Yá̰á̰ ń ā ī-rāāī ndɔ̄ kənge naā tə́, adə̄ i ndɔ̄ rāā nāā yā Kɔ́ɔ̄ɓē tə́ ní, i rí?

NDŪ NAJƏ̄ 32:20

Adə̄ ni-əda na: M-ā m̄-tūr̄ gidəḿ tadə́ tə́ kɔ̄ɔ́, ba m-ā m-á̰á̰ ké ta tɔ̄l̄ tadə́ a to i ba̰ý wa. Tɔdɔ̄ nin̄ i ngáń kə́ nujə kɔ̄ɔ́ gə̄. I ngán gə̄ kə́ deē a ənī kemən adə̄də́ alé.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

Gōsə̄ najə̄ gə̄ 17:4

Nge rāā yá̰a̰ majaĺ nēl̄ mbīn a oōń najə̄ kə́ majə koō aĺ gə̄ ō, nge sor̄ nēl̄ mbīn a oōń najə̄ kə́ majaĺ gə̄ ō.

EJEKIEL 13:10

Ngé koō ta gə̄ gólə̄n̄ gír deē yāḿ gə̄ ədan̄ na: Yá̰a̰ malang i kə́ njə̄rā majə, tá yá̰a̰ malang i kə́ a̰a̰ gō naā alé. Gír deē yāḿ gə̄ əndān̄ ndogə̄ mbal̄, banī nin̄ ɓáa nel̄də́ i rāā hō̰rō̰ dɔ tə́.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.