JEREMI 5:24 - Bibəl ta Sar̄

²⁴ Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.

Bible sar

²⁴ Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.

JEREMI 5:24 Referans Kwoze

PĀ GƏ̄ 147:8

I ni n rāā adə̄ kil̄ man̄ gə̄ taān̄ loo dɔ rā̰ tə́ ní. Man̄ ń kadə̄ edə dɔ nang tə́ ní ni-əndā dɔ danaá i tītə̄ ń noō. I ni n i nge rāā kadə̄ mu gə̄ əɓan̄ dɔ mbal̄ gə̄ tə́ ní.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

TA KƏLA 8:22

Dubə̄ kōō ō, kəja kōō ō, kūl̄ ō, loo təngā ō, ɓāl̄ ō, ɓar ō, loo kə́ ndɔ̄ɔ́ ō, loo kə́ kadaá ō, a ton̄ i mbée bátə́ kadə̄ dɔ nang gətóoń.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEJU TEĒ KUM JA̰A̰ 11:6

Nin̄-aw̄n̄ kə tɔ́gə kutə̄ ta dɔ rā̰, kadə̄ man̄ edə alé kem ndɔ̄ gə̄ ń nin̄ a ədan̄neé najə̄ ń Nə́ɓā əndā tadə́ tə́ ní ō, aw̄n̄ kə tɔ́gə rāā kadə̄ man̄ téĺ mósə ō, aw̄n̄ kə tɔ́gə kənda dɔ nang kə yá̰á̰ kə́ tōr̄ kə́ tayā tayā gə̄ kadə̄ asə kumən yādə́ ō.

JAKƏ 5:7

Tā anī ngákó̰ó̰ḿ gə̄, ī-tə́gāī tasí bátə́ kadə̄ Kɔ́ɔ̄ɓē reē ugə̄ń. Á̰a̰ī nge ndɔr̄ loo ngóō kōō ń i yá̰á̰ kə́ majə ngá̰ý tām̄ yān tə́ kə́ teē dɔ nang tə́ ní: Ni-tə́gā tan bátə́ kadə̄ man̄ kə́ ta kəga dɔ edə ō, man̄ kaw̄ ɓēé edə ō.

JAKARI 10:1

Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

JEREMI 50:5

Nin̄ a dəjen̄ róbə́ kə́ ta kaw̄ kə̄ Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ madə̄ naā kə́ ngándáńg kə́ dɔdə́ a ndígə̄nal aĺ bátə́.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

Makətūbə̄ yā Job 38:37

I náā n ger̄ tə́da kil̄ man̄ gə̄ majə ō, ɗel ta sɔl kə́ dɔ rā̰ tə́ gə̄ yā kəjāń man̄ kə́ kemeé ō,

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

NDŪ NAJƏ̄ 28:12

Kɔ́ɔ̄ɓē a teē ta man̄ yān kə́ majə kə́ dɔ rā̰ tə́ yā kadī, kadə̄ edə dɔ nang yāí tə́ kə dɔ nāāneé, kadə̄ kəla malang ń ī-rāā ní majə. Nápar de gə̄ ngá̰ý a tə̄nān̄ yá̰a̰ jīí tə́, banī ḭ̄ ā ī-tə̄nā yá̰a̰ alé.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

Makətūbə̄ yā Job 5:10

I ni n i nge rāā kadə̄ man̄ edə dɔ nang tə́ ní ō, nge rāā kadə̄ man̄ edə dɔ ndɔr̄ gə̄ tə́ ō ní.

PĀ GƏ̄ 65:9

Yá̰a̰ gə̄ ń ī-rāā yā kɔjəń de gə̄ kum yá̰a̰ ní, ɔr kum de kə́ ta ngóy dɔ nang tə́ gə̄. Ḭ̄ ī-rāā ādə̄ loo kə́ gír ɓē tə́ ō, kə́ no ɓē tə́ ō, urən̄ kɔĺ rɔ̄nel̄.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

Makətūbə̄ yā Job 29:23

De gə̄ ngóōn̄ taḿ tītə̄ loo ngóō man̄ kə́ kadə̄ a edə beé. Nin̄ teēn̄ tadə́ tītə̄ kə́ a taānəń i man̄ ndī yel̄ beé.

JEREMI 10:13

I ni n ɔsə dɔ man̄ gə̄ kə́ no rā̰ tə́ naā tə́ ō, rāā adə̄ kil̄ man̄ ḭḭ ta ngóy dɔ nang tə́ aw̄ kum kə̄ dɔɔ́ ō, rāā adə̄ man̄ tel̄ ō, man̄ edə ō, ni-rāā adə̄ nél teē kem loo ɓɔ̄ɔ̄ rɔ̄ yān tə́ ō ní.