JEREMI 5:23 - Bibəl ta Sar̄

²³ Banī gír de gə̄ ń toō kemdə́ ngan̄g ngá̰ý ō, mbātə́n̄ najə̄ ngá̰ý ō. Nin̄ ɔrə̄n̄ rɔ̄də́ kə̄ gogə́ ō, aw̄n̄ kɔ̄ɔ́ ō.

Bible sar

²³ Banī gír de gə̄ ń toō kemdə́ ngan̄g ngá̰ý ō, mbātə́n̄ najə̄ ngá̰ý ō. Nin̄ ɔrə̄n̄ rɔ̄də́ kə̄ gogə́ ō, aw̄n̄ kɔ̄ɔ́ ō.

JEREMI 5:23 Referans Kwoze

JEREMI 6:28

Nin̄ malang i ngé mbātə́ najə̄ gə̄ rɔ̄kum ō, ngé tétə̄ najə̄ gə̄ ō, ngangə̄n̄ tītə̄ nə̄ngá kasə ō, gində̄ ō. Nin̄ malang i ngé nujə loo gə̄.

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

PĀ GƏ̄ 95:10

De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́, adə̄ m-ə́da na: I de kə́ dɔdə́ gətóo gə̄, nin̄ gerə̄n̄ róbə yāḿ gə̄ alé.

NDŪ NAJƏ̄ 21:18

Ré deē kógə̄ḿ aw̄ kə ngōn̄ kə́ dəngam kə́ dɔn oō loo aĺ ō, kə́ dum̄ naā ō, oō ta bɔbə̄n aĺ ō, kó̰o̰n aĺ ō, adə̄ ká bɔbə̄n nin̄ kə kó̰o̰neé əndanən̄ i mbée gə̄gē a oō tadə́ aĺ ō anī,

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

JEREMI 4:17

Nin̄ teēn̄ rétə̄ gēé kə̄ ta loo gə̄ tə́ tītə̄ ngé ngɔ̄m̄ ndɔr̄ gə̄, ba gīrə̄n̄ Jerusalem, tɔdɔ̄ ni oō taḿ mā alé. Najə̄ ń Kɔ́ɔ̄ɓē əda ní n noó.

SOPONI 3:1

I yá̰á̰ kə́ to kum kaȳ aĺ kə́ ba̰ý beē, tām̄ yā ɓē kə́ əsō wōn̄g tə́ ō, nujə tə́ ō, kə́ ngé kḭḭ de gə̄ gúu taān̄ loo kemeé tə́ ō tə́!

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.