JEREMI 5:21 - Bibəl ta Sar̄

²¹ Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

Bible sar

²¹ Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

JEREMI 5:21 Referans Kwoze

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

KƏLA RĀĀ 28:26

Najə̄ ń Ndíĺ kə́ Táĺ əndā ta Ijai ngé koō ta tə́ adə̄ əda kaasí gə̄ ní i najə̄ kə́ rɔ̄kum! Ni-əda na: Āw̄ ə́ngé gír de gə̄ ń toō ba ə́dádə́: Ā ōōī najə̄ kə mbīsí, banī ā ī-gerī kum alé. Ā á̰a̰ī loo majə kə kumsí, banī ā á̰a̰ī yá̰a̰ alé.

Makətūbə̄ ń Pol ndang adə̄ Rom gə̄ ní 11:8

tītə̄ ń makətūbə̄ yā Nə́ɓā ədań ní. Ndangən̄ na: Nə́ɓā rāā adə̄ ndíĺdə́ a ɓīī i mbée ō, kumdə́ a̰a̰ loo aĺ ō, mbīdə́ oō loo aĺ ō, bátə́ ɓōólaā.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

MARK 8:18

Sḭḭ̄ i kə kumsí ba á̰a̰ī loo aĺ a? Sḭḭ̄ i kə mbīsí ba ōōī loo aĺ a? Əga kemsí dɔ tə́ aĺ a?

JEREMI 8:7

Kóndə́la ń a nēl̄ dɔɔ́ ní gə̄gē, ger̄ kum mbang kə́ yā ndɔ́təń ɓē. Tá dér ndaa ō, gabə kɔsə ō, dāngā ō, mānə̄n̄ dɔ kum mbang kə́ yā téləń kə̄ ɓēé tə́ alé. Ba gír deē yāḿ gə̄ tá usədə́ dɔ ndū najə̄ ń Kɔ́ɔ̄ɓē adə̄də́ ní tə́ alé.

JEREMI 5:4

Mā m-ə́da kə̄ kemḿ tə́ na: I de kə́ yá̰a̰ aĺ gə̄. Kumdə́ edə̄ aĺ ō, gerə̄n̄ róbə yā Kɔ́ɔ̄ɓē aĺ ō, gerə̄n̄ jī bēl̄ loo rāā yá̰a̰ yā Nə́ɓā aĺ ō.

IJAI 44:18

De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

Gōsə̄ najə̄ gə̄ 17:16

Kəla rāā nar kə́ to jī mbóo deē tə́ i rí? I yā mangəń kum kedə̄ a? Ba ń ni ger̄ kum yá̰a̰ kógə̄ḿ aĺ ní!

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

MARK 4:12

yā kadə̄ dan ń a̰a̰n̄ anī, a̰a̰n̄ ba a̰a̰n̄ kə gōó aĺ ō, yā kadə̄ dan ń oōn̄ najə̄ anī, oōn̄ ba gerə̄n̄ kum najə̄ ń oōn̄ ní aĺ ō, na sōgə́ nin̄ a tūrə̄n̄ háĺdə́ anī, Nə́ɓā a māȳ rɔ̄n dɔdə́ tə́.

Makətūbə̄ ń Pol ndang adə̄ Rom gə̄ ní 1:20

Tɔdɔ̄ jóo nəkɔ́ ń Nə́ɓā rāań dɔ rā̰ ō dɔ nang ō toó ní, hálən kə́ majə kə́ dum̄ ka̰ā̰ gə̄, adə̄ i kə́ to ngándáńg ō, ngarān̄g kumən nəkɔ́ Nə́ɓā ō ní, deē a a̰a̰də́ i tū kəla rāān gə̄ tə́. I loo ń noō tə́ n najə̄ i dɔ de gə̄ tə́ malang ní.

IJAI 43:8

Ādə̄ gír de gə̄ ń toō reē ran̄! Kumdə́ to noó, banī nin̄ a̰a̰n̄ loo alé, mbīdə́ to noó, banī nin̄ oōn̄ loo alé.

JEREMI 5:20

Ə̄nīī mbēr̄ ń toō ādī de kə́ gír yā Jakob tə́ gə̄ oōn̄, ə̄nīī mbēr̄ ní Juda tə́ ādə̄ oōn̄.

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.

NDŪ NAJƏ̄ 29:3

Ɓá tā ba bátə́ ɓōólaā gə̄gē ní, Kɔ́ɔ̄ɓē adə̄sí dan wur kə́ yā gerə̄ń yá̰a̰ ō, kum kə́ yā ka̰a̰ń loo ō, mbī kə́ yā koōń loo ō aĺ ɓáý.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,