JEREMI 5:17 - Bibəl ta Sar̄

¹⁷ Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

Bible sar

¹⁷ Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ *kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

JEREMI 5:17 Referans Kwoze

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

SOPONI 3:6

Kɔ́ɔ̄ɓē əda na: m̄-rāā adə̄ nápar de kə́ ngá̰ý gə̄ gətóon̄ kɔ̄ɔ́. Ndogə̄ mbal̄ yādə́ gə̄ ń a rɔ̄ɔ̄n̄neé dɔ rɔ̄də́ tə́ ní, m̄-nujəń kɔ̄ɔ́. m̄-rāā adə̄ deē gətóo kum róbə kɔsə yādə́ gə̄ tə́. Deē mān̄ tū tə́ to̰ alé! Ɓē bo yādə́ gə̄ i kə́ nujəń kɔ̄ɔ́: deē kógə̄ḿ kə́ kemeé to̰ gətóo.

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 4:26

M-á̰a̰ loo anī, m-á̰a̰ kadə̄ loo ń kāgə̄ gə̄ i ngá̰ý tū tə́ ní tél loo kə́ ndágə doy. Kɔ́ɔ̄ɓē əla hor dɔ ɓē gə̄ tə́ malang kə wōn̄g yān kə́ al̄ naā ngá̰ý.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 1:15

M-ā m̄-ɓāŕ gír kaa gə̄ malang yā ɓē ko̰o̰ gə̄ kə́ mbɔ́r ɓē kə́ ko̰ó̰ tə́. Najə̄ ń Kɔ́ɔ̄ɓē əda ní n noó. Nin̄ a reēn̄ yā tə́ndā kōr̄ kāgə̄ mban̄g yādə́ gə̄ ta róbə́ gə̄ kə́ yā kudə ń kə̄ Jerusalem tə́, ta ndogə̄ gə̄ kə́ kəndā kə mbalá adə̄ gīr̄ gidə tə́ ō, ta ɓē bo gə̄ kə́ Juda tə́ malang ō.

IJAI 65:22

Nin̄ a rāān̄ kújə yā kadə̄ de kə́ rang gə̄ ndin̄ kemeé kum gotədə́ to̰ alé, a ndɔrə̄n̄ kāgə̄ nduú gə̄ yā kadə̄ de kə́ rang gə̄ əsan̄ kanə̄n to̰ alé. Tām̄ de gə̄ kə́ dan gír deē yāḿ gə̄ tə́ a ndin̄ kə kumdə́ bátə́ yā tɔgə ɓə́ga tītə̄ kāgə̄ kə́ tɔgə ɓə́ga beé. Ngé gə̄ ń m̄-gə̄rādə́ ní, a asən̄ kəsa kan̄ kəla ń nin̄ kɔ́ gə̄ rāān̄ ní.

IJAI 62:9

Banī ngé gə̄ ń ɔyn̄ kōō gémē ní, nin̄ kɔ́ gə̄ a əsan̄ ō, a ənīnəń pā tɔ̄ȳ Kɔ́ɔ̄ɓē ō. Ngé gə̄ ń a əjan̄ kan̄ nduú ní, nin̄ kɔ́ gə̄ a a̰ȳn̄ kasən ndágə loo gə̄ kə́ gīr̄ gidə kújə yā Kɔ́ɔ̄ɓē kə́ gidə loo yāḿ kə́ táĺ tə́.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

JEREMI 5:18

Ba kum mbang ń noō tə́ ní m-ā m̄-tɔ̄l̄sí malang alé. Najə̄ ń Kɔ́ɔ̄ɓē əda ní n noó.

JEREMI 8:13

m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

JEREMI 25:37

Gɔng gə̄ ń yá̰a̰ kul̄ gə̄ rosə ní tél ton̄ kúkúkú dan ń wōn̄g yā Kɔ́ɔ̄ɓē ḭḭ seneé kə ngangá ngá̰ý ní.

NŌŌ RƆ̄ 2:12

Nin̄ dəjen̄ kó̰ó̰də́ gə̄ na: Kōō gémē ō, kasə nduú ō i rá? Nin̄ ton̄ kə́ yo tə́ tītə̄ ngé kənge do gə̄ kə́ ton̄ ndágə loo gə̄ kə́ kem ɓēé tə́ beé ō, koōdə́ teē kɔ̄ɔ́ kə̄ jī kó̰ó̰də́ gə̄ tə́ ō.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

JOEL 2:3

Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.