JEREMI 49:8 - Bibəl ta Sar̄

⁸ Sḭḭ̄ Dedan gə̄ ī-tūrī gándə́sí ā̰yī naā aw̄ ī-ɓɔ̄ɔ̄ī rɔ̄sí kem bəlo gə̄ tə́. I mbang kə́ yā kadə̄ ɔ́jəmīneé kəla rāāsí gə̄.

Bible sar

⁸ Sḭḭ̄ Dedan gə̄ ī-tūrī gándə́sí ā̰yī naā aw̄ ī-ɓɔ̄ɔ̄ī rɔ̄sí kem bəlo gə̄ tə́. I mbang kə́ yā kadə̄ ɔ́jəmīneé kəla rāāsí gə̄.

JEREMI 49:8 Referans Kwoze

JEREMI 25:23

kə́ Dedan tə́ ō, kə́ Tema tə́ ō, kə́ Bujə tə́ ō, de gə̄ malang ń i nge dəsā mbāý kə́ mbɔ́ŕdə́ gə̄ tə́ ní ō,

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

JEREMI 49:30

Hasor gə̄ ā̰yī naā, i mbutiī ngɔ̄də̄ láẃ, āw̄ ī-ɓɔ̄ɔ̄ī rɔ̄sí kem bəlo gə̄ tə́. Tɔdɔ̄ Nabukodonosor, mban̄g kə́ Babilon ɔjə yá̰á̰ kə́ yā rāā sesí ō, núm̄ yá̰á̰ kə́ sɔɔ̄ dɔsí ō.

IJAI 21:13

Najə̄ yā dɔ nang kə́ Araba. Sḭḭ̄ ɓūtə̄ ngé njə̄rā mbā dəla loo tə́ gə̄ kə́ Dedan, āw̄ ī-toī ndɔ̄ɔ́ kem bembeé dɔ nang kə́ Araba tə́ ādə̄ loo tīī dɔsí tə́.

JEJU TEĒ KUM JA̰A̰ 6:15

Mban̄g kə́ dɔ nang tə́ gə̄ ō, de kə́ bo gə̄ kə ngol áskar gə̄ ō, de kə́ ngé kənge yá̰a̰ gə̄ kə de kə́ ngan̄g gə̄ ō, ɓəlo gə̄ kə de kə́ kɔ́ɔ̄ rɔ̄də́ gə̄ malang ō, ɓɔ̄ɔ̄n̄ rɔ̄də́ bəlo mbal̄ gə̄ tə́ ō, mbo̰ō̰ mbal̄ gə̄ tə́ ō.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEREMI 49:32

De gə̄ a narə̄n̄ jámbal yādə́ gə̄ ō, a ənīn̄də́ rɔ̄ɔ̄ yā taā ɓūtə̄ yá̰a̰ kul̄ kə́ ngá̰ý gə̄ ō jīdə́ tə́. Ngé dəsā mbāý kə́ mdɔ́ŕdə́ tə́ gə̄ ń noō, m-ā m̄-tə̄ndā yā tḭ̄ḭ̄də́ kógə̄ḿ kógə̄ḿ kə̄ loo gə̄ tə́ ō, m-ā m̄-rāā kadə̄ yá̰á̰ kə́ to nujə loo gə̄ teēn̄ kə̄ ta loo gə̄ tə́ malang kə̄ dɔdə́ tə́ ō. Najə̄ ń Kɔ́ɔ̄ɓē əda ní n noó.

JEREMI 48:44

Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

JEREMI 48:28

Moab gə̄ ī-teēī kɔ̄ɔ́ kem ɓēé ba aw̄ ī-ndiī mbal̄á. Ī-ndájə dér gutə gə̄ ń a rāān̄ ɓēdə́ i ta bəlo kə́ bo tə́, adə̄ i loo kə́ dum kadə̄ deē aw̄ ugə̄ tū tə́ tə́ ní.

JEREMI 48:6

Āyī naā, ādə̄ náā nəkɔ́ anī njan adə̄n! Sḭḭ̄ ī-tél ī-toī tītə̄ ɓē kə́ Aroer ń ra i kum dəla loo tə́ ní.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

IJAI 2:21

Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

NGÉ SARYA 6:2

Madian gə̄ rāān̄ kum ngán Israel gə̄ ndoō tə́ ngá̰ý, adə̄ nin̄ rāān̄ loo ɓɔ̄ɔ̄ rɔ̄ yādə́ mbo̰ō̰ mbal̄ gə̄ tə́ ō, bəlo mbal̄ gə̄ tə́ ō, dɔ mbal̄ gə̄ kə́ loo kaw̄ kə̄ tū tə́ tōr̄ ngá̰ý tə́ ō.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

EJEKIEL 25:13

Tām̄ najə̄ ń noō tə́ ní, mā Kɔ́ɔ̄ɓē Nə́ɓā m-ə́da na: M-ā m-ɔ́jə́ tɔ́gə́ḿ dɔ Edom gə̄ tə́. De gə̄ ō dā̰ gə̄ ō kə́ kem ɓēé ń toō tə́ ní, m-ā m̄-tɔ̄l̄də́ kɔ̄ɔ́. M-ā m̄-nujə ɓē sák sák, ba m-ā m-ə́lá gír i dɔ ɓē kə́ Teman tə́, bátə́ ɓē kə́ Dedan tə́. A tɔ̄lə̄n̄ de kə́ kemeé gə̄ ta rɔ̄ɔ̄ tə́.

MALASI 1:3

banī i Esau alé. Kété ní, de gə̄ kə́ kem kojə yā Esau tə́ ndin̄ i gō nang kə́ mbalá tə́. Mā m̄-rāā gō nang ní adə̄ tél dəla loo ō, m-ādə̄ tal̄ gə̄ ɓē yādə́ ō.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.