JEREMI 49:5 - Bibəl ta Sar̄

⁵ I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

Bible sar

⁵ I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

JEREMI 49:5 Referans Kwoze

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

AMOS 4:3

Ā ī-teēī kɔ̄ɔ́ kem ɓēé i kum bəlo loo gə̄ kə́ tū ndogə̄ mbal̄ tə́ tə́. Sḭḭ̄ kógə̄ḿ kógə̄ḿ ní, náā nəkɔ́ ɓáa kumən i súmūú non tə́ ō, a ɓōkə́n̄sí i kum kə̄ dām̄ mbɔ́r ɓē kə́ ko̰ó̰ tə́ ō. Najə̄ ń Kɔ́ɔ̄ɓē əda ní n noó.

JEREMI 20:4

Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ Juda tə́ gə̄ jī mban̄g kə́ Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 15:8

m̄-rāā adə̄ dəyá̰ yān kə́ ngaa koy gə̄ i ngá̰ý tɔȳ kum nán̄g ngárə̄ḿnjēý kə́ ta bā tə́. m̄-rāā ādə̄ nge nujə loo reē dan kadə ndaá dɔ kó̰o̰ nge rɔ̄ɔ̄ kə́ balsáá tə́. m̄-rāā ādə̄ yá̰á̰ kə́ tə́la naā kə́ to ɓōĺ ngá̰ý əsō dɔn tə́ gidə kógə̄ḿ.

IJAI 16:3

De kə́ Moab gə̄ dəjen̄ Jerusalem na: Ādə̄jí kɔjə̄, ún ndūí yā rāā yá̰á̰ kógə̄ḿ, ūtə̄ gidəjí dan kadaá yā ngɔ̄məńjí, tītə̄ loo kə́ ndɔ̄ɔ́ kə́ ənī til dɔ loo tə́ beē. Ī-ɓɔ̄ɔ̄ dɔ mā̰ȳ rɔ̄ɔ̄ yājí gə̄. Ngé gə̄ ń a̰ȳn̄ naā ní, ī-lōō teē kə gíŕdə́ dɔɔ́.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

Makətūbə̄ yā Job 15:21

ndū yá̰á̰ kə́ to ɓōĺ gə̄ a ɓārə̄n̄ ta mbīn tə́. Ni-ndi kem lɔm kə́ ngá̰ý tə́ ɓá tā, ba nge nujə loo aw̄ yā kənīn rɔ̄ɔ̄ aláa?

2 MBAN̄G 19:7

Na n-a n-adə̄ mban̄g ndíĺ kógə̄ḿ kə́ kadə̄ ré oō najə̄ kógə̄ḿ anī a tél dɔ tə́ yā kaw̄ gogə́ ɓē yān tə́. Na n-a n-rāā kadə̄ a oy yo kaskar kem ɓē yān nəkɔ́ tə́.

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

NŌŌ RƆ̄ 4:15

Ré de gə̄ a̰a̰n̄ dɔdə́ kə̄ róbó anī, urən̄ kɔĺ ədan̄ na: Ī-téliī kə̄ gogə́, ī-téliī kə̄ gogə́, ī-lōōī kɔdə́də́ jīsí tə́. Nin̄ a̰ȳn̄ naā ō, dáȳn̄ dɔɔ́ ō. Nápar de gə̄ ədan̄ na: Nin̄ asən̄ ndi ɓē yājí tə́ alé.

JEREMI 6:25

Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.