JEREMI 49:37 - Bibəl ta Sar̄

³⁷ m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

Bible sar

³⁷ m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

JEREMI 49:37 Referans Kwoze

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

JEREMI 48:2

Gír rī ɓār̄ yā Moab gān̄g kɔ̄ɔ́. De gə̄ ndin̄ Hesəbon ba oōn̄ naā yā nujə seneé. J-aw̄ jə-tɔ̄lī gír nápar de gə̄ ń toō kɔ̄ɔ́. Ḭ̄ Madəmen, gír yāí gān̄g kɔ̄ɔ́, tɔdɔ̄ kaskar ngɔ̄də̄ gōí.

EJEKIEL 32:23

Dɔ ɓádə gə̄ ní ton̄ i gə́le loo kə́ ɓádá tə́, kə gō gidə dɔ ɓádə mban̄g. Nin̄ malang ní tɔ̄lə̄n̄də́ i ta rɔ̄ɔ̄ tə́, nin̄ ń kété rāān̄ de kə́ ndi kə kumdə́ gə̄ adə̄ ɓōĺ rāādə́ adə̄ ndewn̄ ní.

EJEKIEL 12:14

De gə̄ malang ń gīrə̄n̄ gidən ní, adə̄ i ngé ngɔ̄mən gə̄ ō, áskar yān gə̄ ō ní, m-ā m̄-rāādə́ kadə̄ a aw̄n̄ kə̄ loo gə̄ tə́. Gō tə́ anī m-ā m̄-ngɔ̄də̄də́ kə kaskar yāḿ.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 49:5

I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

JEREMI 30:24

Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

JEREMI 49:38

M-ə̄ndā kōr̄ kāgə̄ mbang yāḿ ɓē kə́ Elam tə́. m̄-tɔ̄l̄ mban̄g ō, de kə́ bo gə̄ ō, kə́ kemeé malang. Najə̄ ń Kɔ́ɔ̄ɓē əda ní n noó.

JEREMI 9:15

M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.