JEREMI 49:25 - Bibəl ta Sar̄

²⁵ Ɓē kə́ rīn ɓār̄ ngá̰ý ō, i ɓē rɔ̄nel̄ yāḿ ō ní, i ba̰ý á mbātə́nən̄ kɔ̄ɔ́ ní?

Bible sar

²⁵ Ɓē kə́ rīn ɓār̄ ngá̰ý ō, i ɓē rɔ̄nel̄ yāḿ ō ní, i ba̰ý á mbātə́nən̄ kɔ̄ɔ́ ní?

JEREMI 49:25 Referans Kwoze

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

JEREMI 51:41

I ba̰ý á taān̄ ɓē kə́ Sesak ō, ndin̄ kemeé ō, ni ń i ɓē kə́ rīn ɓār̄ taā gō dɔ nang malang ní? I ba̰ý á ɓē kə́ Babilon tél loo i kə́ to kum ko̰ dáń ɓē gə̄ yā nápar de gə̄ tə́ ní?

JEJU TEĒ KUM JA̰A̰ 18:10

Nin̄-ndan̄ dan sa̰y tām̄ ɓōlə́n̄ yá̰á̰ kə́ tōr̄ ń rāān ní, ba ədan̄ na: Rɔ̄ tō ndoō, rɔ̄ tō ndoō! Tām̄ Babilon ń i ɓē kə́ bo kə́ tɔ́gən i ngá̰ý ní, gāngə̄n̄ sarya kə́ dɔn tə́ i kum mbang kógə̄ḿ beē ngóy.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

JEREMI 48:2

Gír rī ɓār̄ yā Moab gān̄g kɔ̄ɔ́. De gə̄ ndin̄ Hesəbon ba oōn̄ naā yā nujə seneé. J-aw̄ jə-tɔ̄lī gír nápar de gə̄ ń toō kɔ̄ɔ́. Ḭ̄ Madəmen, gír yāí gān̄g kɔ̄ɔ́, tɔdɔ̄ kaskar ngɔ̄də̄ gōí.

IJAI 1:26

Ngé sarya yāí gə̄ a ton̄ tītə̄ ngé kə́ kété jóo gə̄ ō, ngé kadə̄ kɔjə̄ yāí gə̄ a ton̄ tītə̄ ngé kə́ kem ɓāl̄ gə̄ kə́ mānə̄n̄ kɔ̄ɔ́ tə́ ō, i kə ta kūlə̄ḿ māá. Gō tə́ anī, a ɓāríīn̄ na i ɓē yā yá̰a̰ rāā kə́ gōtə́, na i ɓē kə́ nge ra dɔ ndūn tə́.