JEREMI 49:24 - Bibəl ta Sar̄

²⁴ Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

Bible sar

²⁴ Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 49:24 Referans Kwoze

MATIYE 24:8

Yá̰a̰ gə̄ ń noō malang ń a rāān̄ yá̰á̰ ní, i tītə̄ ta kəla gír rɔ̄ tōr̄ yā dəyá̰ kə́ a rāā kem beé.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

TA KƏLA 3:16

Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

JEREMI 30:6

Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 48:41

Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 49:37

m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

OJEE 13:13

Kə́ tām̄ yān ni tə́ ɓáa, i kum mbang kə́ tām̄ yā ko̰y kə́ tītə̄ ko̰y kə́ ndɔ̄ kojə ngōn̄ tə́ beē. Banī Epəraim i ngōn̄ kógə̄ḿ kə́ kum kedə̄ yān gətóo. Ni-mbātə́ teē kem kó̰o̰n tə́ kɔ̄ɔ́.

MARK 13:8

Tɔdɔ̄ nápar de gə̄ a ḭḭn̄ rɔ̄ɔ̄ dɔɔ́ kə nápar de kə́ rang gēé ō, gír ɓē ko̰o̰ gə̄ a ḭḭn̄ rɔ̄ɔ̄ dɔɔ́ kə gír ɓē ko̰o̰ kə́ rang gēé ō, dɔ nang a yéȳ kə̄ loo gə̄ tə́ ō, ɓō a əsō loo tə́ ō. I tītə̄ ta kəla gír ko̰y yā dəyá̰ kə́ nge rāā kem.