JEREMI 49:23 - Bibəl ta Sar̄

²³ Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

Bible sar

²³ Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

JEREMI 49:23 Referans Kwoze

IJAI 10:9

Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.

2 MBAN̄G 18:34

Nə́ɓā gə̄ yā ɓē kə́ Hamat ō, yā ɓē kə́ Arpad ō, rāān̄ i rí? Tá nə́ɓā gə̄ yā ɓē kə́ Separbaim ō, yā ɓē kə́ Hena ō, yā ɓē kə́ Aba ō, nin̄ rāān̄ i rí? Nin̄ ɔgə̄mə̄n̄ taā ɓē kə́ Samari a?

IJAI 57:20

Banī de kə́ majaĺ gə̄ ton̄ i tītə̄ bā bo kə́ a lén̄g, kə́ asə to jəke aĺ beē, bəngálən gə̄ rāān̄ bɔr kə́ gírí nang tə́ adə̄ ḭḭ kum kə̄ dɔɔ́ kə̄ dɔɔ́ ō,

TA KƏLA 14:15

Ni-kēgə̄ ɓūtə̄ de gə̄ yān gə̄ naā tə́ yā rɔ̄ɔńdə́ ndɔ̄ɔ́. Ni-tetədə́ rɔ̄ɔ̄ ba ngɔ̄də̄də́ bátə́ ugə̄ sedə́ Hoba ń ra i dām̄ Damas kə́ ko̰ó̰ tə́ ní.

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

2 MBAN̄G 19:13

ī-gír̄ dɔ yá̰á̰ ń rāā mban̄g gə̄ kə́ Hamat ō, Arpad ō, Lair ō, Separbaim ō, Hena ō, Aba ō ní tə́!

TƏ́DA 13:21

De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

TA KƏLA 15:2

Abəram tél ədan na: Kɔ́ɔ̄ɓē Nə́ɓā yāḿ, ā ādə̄m̄ yá̰a̰ i yā rāań rí? Ngōnə̄ḿ gətóo, adə̄ nge kənge yá̰a̰ ndəbāḿ i nge kəla yāḿ Eliejer kə́ Damas.

2 KORḚNTƏ 11:32

Dan ń mā i kem ɓē kə́ Damas tə́ ní, nge ko̰o̰ ɓē ń i nge rāā kəla yā mban̄g Aretas ní, tə́ndā ngé ngɔ̄m̄ loo gə̄ kə ta róbə gə̄ kə́ yā teēń kem ɓēé kə̄ ndágá tə́.

KƏLA RĀĀ 27:20

Rāā ndɔ̄ ngá̰ý ní j-a̰a̰ kum mbang aĺ ō, tə́yō̰ gə̄ aĺ ō, nél əhɔ rɔ̄n sḛ́ý aĺ ō. Adə̄ j-əndā kemjí dɔ kajə tə́ to̰ alé.

KƏLA RĀĀ 9:2

Ni-aw̄ ənge ngol ngé tun̄ yá̰a̰ gə̄ ba dəjen makətūbə̄ kə rī kújə́ kán̄ naā gə̄ kə́ Damas, yā kadə̄ ré n-ənge dəngam gə̄, aláa dəyá̰ gə̄, kə́ a unən̄ gō róbə yā Kɔ́ɔ̄ɓē anī, kə n-tó̰ō̰də́ kə kəlaá kə n-reē sedə́ Jerusalem.

AMOS 6:2

I beé ní, āwī Kalne á̰a̰ī! Gō tə́ anī ḭ́ḭī noó āwī bátə́ ūgī Hamat ń i ɓē kə́ bo ní tə́. Ī-raī dɔ tə́ noō ī-risə āwī Gat ɓē Pilistin gēé. Ɓē ko̰o̰ gə̄ ń noō ní, gātə̄sí tɔȳ yādə́ a? Ɓē yāsí bo tɔȳ yādə́ a?

IJAI 37:13

Mban̄g gə̄ kə́ Hamat ō, Arpad ō, Lair ō, Separbaim ō, Hena ō, Aba ō ní, nin̄ i rá?

IJAI 13:7

I tām̄ najə̄ ń toō tə́ n jī de gə̄ malang ur̄ wak ní, tɔ́gə de gə̄ teē kɔ̄ɔ́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

2 YÁ̰A̰ GƏ̄ 16:2

Asa ɔy gində̄ arjā̰a̰ ō, lɔ́r ō, kə́ loo ngɔ̄m̄ yá̰a̰ kənge kə́ kem kújə yā Kɔ́ɔ̄ɓē tə́ ō, kə́ loo ngɔ̄m̄ yá̰a̰ kənge kə́ kem kújə yā mban̄g tə́ ō, ba əlań adə̄ Ben Hadad mban̄g kə́ Aram ń ndi Damas ní tə́. Ni ədan na:

2 MBAN̄G 17:24

Mban̄g kə́ Asiri ɔy de kə́ Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

1 MBAN̄G GƏ̄ 11:24

Kem ɓāl̄ ń Dabid tɔ̄ləń ngé rɔ̄ɔ̄ gə̄ yā Hadadejer tə́ ní, Rejon ɔy de gə̄ gōn tə́ ba tél ngoldə́. Ni-aw̄ ndi sedə́ Damas. Ta tɔ̄l̄ ta anī o̰o̰ ɓē kə́ Damas.

2 SAMUEL 17:10

Loo ń noō tə́ ká i de kə́ ngan̄g kə́ kemən i kem ɓɔl gə̄gē, tɔ́gən a ur̄ wak kɔ̄ɔ́. Tɔdɔ̄ Israel gə̄ malang gerə̄n̄ kadə̄ bɔbí i go̰ rɔ̄ɔ̄ ō, de gə̄ ń seneé ní i de gə̄ kə́ gerə̄n̄ rɔ̄ɔ̄ majə ō.

2 SAMUEL 8:9

Mban̄g kə́ Hamat ń rīn na i Toi ní, oō kadə̄ ngé rɔ̄ɔ̄ gə̄ malang yā Hadadejer i kə́ Dabid tetədə́ rɔ̄ɔ̄ kɔ̄ɔ́.

JOJUE 14:8

Ngákó̰ó̰ḿ gə̄ ń aw̄n̄ seḿ ní rāān̄ adə̄ kem de gə̄ gān̄g man̄, ba mā m-ún i gō Kɔ́ɔ̄ɓē Nə́ɓā yāḿ kanjə̄ kadə̄ kemḿ kēgə̄.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

NDŪ NAJƏ̄ 20:8

Ngé kɔy de gə̄ áskaraá gə̄ a ədan̄ de gə̄ ɓáý to̰ na: I náā n ɓōĺ adə̄ kemən gān̄g man̄ ní, ādə̄ kɔ́ɔ̄ tél aw̄ gogə́ ɓēé na sōgə́ rāā madə̄n gə̄ adə̄ kemdə́ gān̄g man̄ tītə̄ yān.

Teē Ngán Israel gə̄ 15:15

ngār kə́ Edom gə̄ ndin̄ i kə sōlōó kekəre ō, ɓōĺ rāā ngār kə́ dɔ nang kə́ Moab tə́ gə̄ ngá̰ý ō, tɔ́gə Kanaan gə̄ ur̄ wak kɔ̄ɔ́ ō.

2 MBAN̄G 5:12

Bā gə̄ kə́ Damas tə́ ń i Labana ō, Parpar ō ní majən̄ tɔȳn̄ man̄ gə̄ malang kə́ Israel tə́ aĺ a? M-ásə ndogə̄ rɔ̄ḿ kum tə́ kadə̄ rɔ̄ḿ unjə̄ aĺ a? Naaman tūr̄ rɔ̄n ba tél dɔ tə́ kə wōngōó ta kaw̄ gogə́.

IJAI 7:8

Tām̄ Damas i ɓē bo kə́ Aram ō, Resin ni i ngār kə́ Damas ngóy ō. Samari i ɓē bo kə́ Epəraim ō, Peka ni i ngār kə́ Samari ngóy ō. Kem ɓāl̄ kutə mehḛ́ gidə i mí anī, gír deē yā Epəraim gə̄ a gətóon̄ kɔ̄ɔ́. Ré ə̄nī kemsí mámák ādī Kɔ́ɔ̄ɓē aĺ anī, ā ásiī ra gotoó alé.

IJAI 36:19

Nə́ɓā gə̄ yā ɓē kə́ Hamat ō, yā ɓē kə́ Arpad ō, rāān̄ i rí? Tá nə́ɓā gə̄ yā ɓē kə́ Separbaim nin̄ rāān̄ i rí? Nin̄ ɔgə̄mə̄n̄ taā ɓē kə́ Samari a?

JEREMI 39:5

Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ Babilon tə́, adə̄ gān̄g sarya dɔn tə́.

EJEKIEL 27:18

Yá̰á̰ kə́ tayā tayā gə̄ ń ḭ̄ ī-rāādə́ ngá̰ý ní, de kə́ Damas gə̄ mangən̄ jīí tə́ ō. Nin̄ a mangən̄ jīí tə́ i kə kasə nduú kə́ Helbon ō, i kə kūbə̄ bḭḭ̄ batə̄ kə́ Sahar ō