JEREMI 49:22 - Bibəl ta Sar̄

²² To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

Bible sar

²² To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 49:22 Referans Kwoze

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 30:6

Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

IJAI 26:17

Kɔ́ɔ̄ɓē, kété ní jə-ra noí tə́ i tītə̄ dəyá̰ kə́ a rāā yā kojə ngōn̄ beé. Dəyá̰ ní a̰a̰ tápə̄ ō, əga kɔŕ tɔdɔ̄ rɔ̄n tōrə̄n ō.

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

PĀ GƏ̄ 18:5

Yo ɓírə̄m̄ kə tɔ́gɔ́ tītə̄ katə man̄ ō, a̰ȳ ndílə́ḿ ō.

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

ABƏDIAS 1:9

Ḭ̄ ɓē bo kə́ Teman, ɓōĺ a tɔ̄l̄ ngé rɔ̄ɔ̄ yāí gə̄ kɔ̄ɔ́. Loo ń noō tə́ a tɔ̄lə̄n̄ de kə́ kem ɓēé gə̄ malang kɔ̄ɔ́.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.