JEREMI 49:2 - Bibəl ta Sar̄

² Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

Bible sar

² Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ *Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

JEREMI 49:2 Referans Kwoze

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

EJEKIEL 21:20

m̄-sāā i kɔr̄ tɔ́gə́də́ kɔ̄ɔ́ ō, m̄-sāā i rāādə́ kadə̄ tə́sōn̄ ō. M-ə̄ndā kaskar kə́ nge tɔ̄l̄ yo kə gō ta kújə gə̄ kógə̄ḿ kógə̄ḿ. Rāān̄ kaskar ní i yā kadə̄ ndə́lē pipir ō, ɔlən̄ ta i yā kadə̄ tɔ̄l̄ yá̰a̰ majə ō.

NDŪ NAJƏ̄ 3:11

I Og ń i mban̄g kə́ Basan ní ngóy n teē ta yo tə́ dan Repay gə̄ tə́ ní. Ré deē aw̄ Raba ń i ɓē bo yā Amon gə̄ ní tə́ anī a a̰a̰ tə̄rá ton ɓáý. I tə̄rá gində̄. Ngālən asə kíl deē nja ndōhó ō, laan asə kíl deē nja sɔ́ ō.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

2 SAMUEL 11:1

Dan ń ɓāl̄ kə́ kijə reē ugə̄ anī, kem nāā ń mban̄g gə̄ a aw̄n̄neé rɔ̄ɔ̄ tə́ ní, Dabid əla Joab nin̄ kə go̰ rɔ̄ɔ̄ gə̄ ō, Israel gə̄ ō, malang ta rɔ̄ɔ̄ tə́. Adə̄ nin̄ tɔ̄lə̄n̄ ngán Amon gə̄ ngá̰ý ō, gīrə̄n̄ gidə ɓē kə́ Raba ō. Ba Dabid tá ndi ɓēé Jerusalem.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

PĀ GƏ̄ 97:8

Siyo̰ oō najə̄n anī rāā rɔ̄nel̄. Kɔ́ɔ̄ɓē, ɓē kə́ Juda tə́ gə̄ tḭ́ḭ̄n̄ bal walya najə̄ sarya gāngīí tə́.

PĀ GƏ̄ 48:11

Nə́ɓā, rīí ɓār̄ taā dɔ nang malang ō, de gə̄ tɔ̄ȳnī kə gō loo gə̄ malang ō. Yá̰á̰ kə́ gōtə́ rosə kem jī ko̰í.

TƏ́DA 21:25

Nin̄ taān̄ ɓē yā Amor gə̄ malang ndin̄ tū tə́. Taān̄ Hesəbon ō, ngán ɓē kə́ kadə tə́ gə̄ ō.

ABƏDIAS 1:19

Juda gə̄ kə́ dām̄ mbɔ́r ɓē kə́ geleé tə́ a taān̄ mbal̄ bo gə̄ kə́ Edom ō, ngé gə̄ ń ndin̄ ndágə mbō gə̄ tə́ ní, a taān̄ dɔ nang yā Pilistin gə̄ ō. Nin̄ ndin̄ gō nang yā de gə̄ kə́ gír ɓē yā Epəraim tə́ ō, Samari tə́ ō. De kə́ gír ɓē yā Benjamḛ tə́ gə̄ a taān̄ gō nang kə́ Galaad.

TƏ́DA 10:9

Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

NDŪ NAJƏ̄ 13:16

ā ī-tɔ̄lī de kə́ kem ɓē ń noō tə́ gə̄ ō, yá̰a̰ kul̄ kə́ kemeé gə̄ ō, kɔ̄ɔ́ malang kə kəyā kaskaraá. Gō tə́ anī ā ī-*bāāī dɔ ɓē ní ō, yá̰a̰ malang kə́ kemeé ō, tām̄ yā Nə́ɓā tə́.

JOJUE 17:11

Ɓē gə̄ ń adə̄n̄ Manase gə̄ dɔ nang yā Isakar gə̄ tə́ ō, yā Aser gə̄ tə́ ō ní i Bet Sean ō, Ibəleam ō, naā tə́ ngán ɓē gə̄ ń, ɓē gə̄ ń noō o̰n ɓē dɔ tə́ ní. Tá adə̄n̄də́ ɓē kə́ Dor ō, En Dor ō, Tanak ō, Megido ō, naā tə́ kə de kə́ kemeé gə̄ ō, ngán ɓē gə̄ ō, ngán ɓē gə̄ ń ɓē gə̄ ń noō o̰o̰n̄ ɓē dɔ tə́ á i gō nang kə́ Dor ní ō.

JOJUE 17:16

Ngán kaa Jəjep gə̄ tél ədan̄ Jojue na: Gō nang kə́ mbalá a asəjí alé. Tá Kanaan gə̄ ń ndin̄ ndágə loo gə̄ tə́ á i ngé gə̄ ń ndin̄ Bet Sean ō, kem ngán ɓē gə̄ ń Bet Sean o̰o̰ ɓē dɔ tə́ ní ō, ngé gə̄ ń ndin̄ ndágə loo gə̄ kə́ Jisreel tə́ ō ní, aw̄n̄ kə púsə rɔ̄ɔ̄ kə́ rāā kə gindīí gə̄.

IJAI 17:1

Najə̄ yā ɓē kə́ Damas. Sḛ́ý to̰ anī Damas i ɓē bo to̰ alé, ni i kɔkərɔ kə́ kán̄ dɔ naā tə́ ngóy.

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.