JEREMI 49:19 - Bibəl ta Sar̄

¹⁹ Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

Bible sar

¹⁹ Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

JEREMI 49:19 Referans Kwoze

JEREMI 12:5

Ré ī-ngɔ̄də̄ naā tə́ kə ngé nja gēé, ba rāānī adə̄ kɔr rāāī anī, ā ásə nējə̄ naā ngɔ̄də̄ kə sə́nda gēé i ba̰ý? Ré ī-ndi i kem ɓē kə́ lɔm i tū tə́ tə́ tá ənī kemií anī, dan ń bā Jurdḛ a ḭḭ bububu bububu ní ā ī-rāā i ba̰ý?

JEREMI 30:21

Ngār yān a teē i dan gír deē yān nəkɔ́ gə̄ tə́. A ojən̄ nge ko̰o̰ ɓē yān i ɓēé looneé. M-ā m̄-rāān kadə̄ ndɔ́tə̄ kə̄ ngɔr. Ni a reē rɔ̄ḿ tə́. Tɔdɔ̄ i náā n a asə nāā ndɔ́tə̄ kum kə̄ rɔ̄ḿ tə́ ní? Najə̄ ń Kɔ́ɔ̄ɓē əda ní n noó.

Makətūbə̄ yā Job 41:10

Dan ń ni ur ádəsó anī, loo unjə̄ kow ō, kumən əɓa hor kə́ unjə̄ tītə̄ ta gír loo beé ō.

Makətūbə̄ yā Job 9:19

Ré i kadə̄ jə-rɔ̄ɔ̄ naā seneé anī, ni ngan̄g tɔȳm̄! Ré i kadə̄ jə-rāā sarya kə naá yā kadə̄ jə-gāngəń najə̄ ń to dɔ dáńjí tə́ ní anī, a ndigə ɓārə́m̄ loo sarya tə́ nəkɔ́ a?

JOJUE 3:15

I dan yā sāā kōō gə̄ tə́ n bā Jurdḛ a ḭḭń ngá̰ý adə̄ a taāń loo ní. Dan nəkɔ́ ń ngé tun̄ yá̰a̰ gə̄ ń i ngé kətō sandúkə madə̄ naā gə̄ əlan̄ njadə́ kə̄ kum man̄ tə́ ta gógə́ tə́ anī,

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

JEJU TEĒ KUM JA̰A̰ 6:17

Tɔdɔ̄ ndɔ̄ kə́ bo yā wōn̄g yādə́ ugə̄ kɔ̄ɔ́ ní i náā n asə ra dɔɔ́?

JAKARI 11:3

Ōōī ndū ngé kul̄ gír de gə̄ loo nōō tə́, tɔdɔ̄ tɔ́gə́də́ gətóo kɔ̄ɔ́. Ōōī ndū balsáa ɓɔl gə̄ loo nōō tə́, tɔdɔ̄ túpə́ kámbə yādə́ kə́ majə ngá̰ý gə̄ ń ran̄ kə gō kadə ba Jurdḛ ní, nujənə̄ń kɔ̄ɔ́.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 40:25

Nə́ɓā kə́ táĺ dəje najə̄, ni-əda na: Ā ɔ́jiī seḿ i náā? I náā n asə seḿ māá ní?

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

PĀ GƏ̄ 89:8

De kə́ táĺ gə̄ ń kánə̄n̄ naā yā koō naā dɔ yá̰á̰ tə́ ní, Nə́ɓā to ɓōĺ ngá̰ý dandə́ tə́. To ɓōĺ tɔȳ de gə̄ malang ń ndi gīrə̄n̄ gidən ní.

PĀ GƏ̄ 89:6

Kɔ́ɔ̄ɓē, ādə̄ dɔ rā̰ ɔsə gɔn yá̰á̰ kə́ to kɔr kum ń ī-rāā ní ō, ādə̄ ɔsə gɔn ra kə́ ī-ra dɔ ndūí tə́ ō, loo kán̄ naā yā de kə́ táĺ gə̄ tə́!

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

Makətūbə̄ yā Job 9:21

Mā ní najə̄ gətóo dɔḿ tə́ a? Mə̄kɔ́ m-ásə ger̄ alé. Ndi kə kumuú nelə̄m̄ to̰ alé.

1 YÁ̰A̰ GƏ̄ 12:15

De kə́ gír ɓē yā Gad tə́ gə̄ ń nin̄ i ngol ngé rɔ̄ɔ̄ gə̄ ní nin̄ n noó. De kə́ dūú ngá̰ý dandə́ tə́ i kum gotə de gə̄ ɓú ō, de kə́ bo ngá̰ý kə́ dandə́ tə́ i kum gotə de gə̄ dūbú ō.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

IJAI 46:9

Ādə̄ əga kemsí dɔ kum mbang kə́ mān̄ kɔ̄ɔ́ tə́, dɔ yá̰a̰ gə̄ ń rāān̄ yá̰á̰ kété tə́ ní. I mā n i Nə́ɓā ní ō, Nə́ɓā kə́ rang gətóo ō. Nə́ɓā kə́ tītə̄ḿ mā gətóo.

2 YÁ̰A̰ GƏ̄ 20:6

ba əda na: Kɔ́ɔ̄ɓē, Nə́ɓā yā kaají gə̄, i ḭ̄ n i Nə́ɓā dɔ rā̰ tə́ ō, ī-ndi dɔ ɓē ko̰o̰ gə̄ malang yā nápar de gə̄ tə́ ō ní aĺ a? Tɔ́gí to ō, ī-ngan̄g ō, adə̄ de kə́ asə rɔ̄ɔ̄ seí gətóo.

PĀ GƏ̄ 76:8

Ī-to ɓōĺ ngá̰ý! I náā n asə ra noí tə́ kə njan kə́ dɔɔ́ dan ń wōn̄g yāí ḭḭ seí ní?

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.