JEREMI 49:17 - Bibəl ta Sar̄

¹⁷ Edom tél ndágə loo kə́ to kum ko̰, adə̄ de gə̄ malang ń a mānə̄n̄ kadə tə́ ngɔr ní a ɔr kumdə́ seneé ngá̰ý ō, a əgan̄ kɔŕ ɓōĺ dɔn tə́ ō.

Bible sar

¹⁷ Edom tél ndágə loo kə́ to kum ko̰, adə̄ de gə̄ malang ń a mānə̄n̄ kadə tə́ ngɔr ní a ɔr kumdə́ seneé ngá̰ý ō, a əgan̄ kɔŕ ɓōĺ dɔn tə́ ō.

JEREMI 49:17 Referans Kwoze

EJEKIEL 35:7

Edom, m-ā m̄-nujə ɓē yāí ō, m-ā m̄-rāān kadə̄ a tél dəla loo ō, m-ā m̄-tɔ̄l̄ de gə̄ malang ń a mānə̄n̄ noó ní ō.

JEREMI 50:13

Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

1 MBAN̄G GƏ̄ 9:8

Kújə́ kə́ ngāl̄ ngá̰ý kum kə̄ dɔɔ́ ń toō ní de gə̄ malang ń a mānə̄n̄ kadə tə́ ní a ɔr kumdə́ ngá̰ý ō, a yáādə́ ngá̰ý ō. Adə̄ a dəjen̄ na ké i tām̄ rí tə́ áké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō wa.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 25:13

Tām̄ najə̄ ń noō tə́ ní, mā Kɔ́ɔ̄ɓē Nə́ɓā m-ə́da na: M-ā m-ɔ́jə́ tɔ́gə́ḿ dɔ Edom gə̄ tə́. De gə̄ ō dā̰ gə̄ ō kə́ kem ɓēé ń toō tə́ ní, m-ā m̄-tɔ̄l̄də́ kɔ̄ɔ́. M-ā m̄-nujə ɓē sák sák, ba m-ā m-ə́lá gír i dɔ ɓē kə́ Teman tə́, bátə́ ɓē kə́ Dedan tə́. A tɔ̄lə̄n̄ de kə́ kemeé gə̄ ta rɔ̄ɔ̄ tə́.

NDŪ NAJƏ̄ 29:22

Dɔ nang yādə́ i bursu ō, katə̄ ō, hor ō malang. Deē dubə̄ yá̰a̰ tū tə́ aĺ ō, yá̰a̰ əɓa tū tə́ aĺ ō, mu əɓa tū tə́ aĺ ō, tītə̄ kə́ Sodom ō, Gomor ō, Adəma ō, Seboim ō, ń wōn̄g rāā Kɔ́ɔ̄ɓē á nujəń kɔ̄ɔ́ malang ní.

EJEKIEL 27:36

Ɓōĺ rāā ngé rāā gātə̄ gə̄ yā gír de kə́ nin̄ i tə̄rā gə̄ adə̄ əgan̄ kɔŕ ɓōĺ najə̄ yāí tə́. Ḭ̄ ī-rāā ādə̄ de gə̄ malang ɓōlə́n̄, nujən̄ seí kɔ̄ɔ́ i kə́ njɔ́ḿ gə̄ tə́.

EJEKIEL 35:3

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: M-ā m̄-rāā yá̰á̰ kə́ tōr̄ sesí! Ḭ̄ Edom, m-ā m-ɔ́jə́ tɔ́gə́ḿ dɔí tə́. M-ā m̄-nujiī kɔ̄ɔ́ ō, m-ā m̄-rāāī kadə̄ ā ī-tél dəla loo ō.