JEREMI 49:13 - Bibəl ta Sar̄

¹³ Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

Bible sar

¹³ Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

JEREMI 49:13 Referans Kwoze

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

TA KƏLA 36:33

Bela oy anī Yobab ngōn̄ Jera kə́ Bosra o̰o̰ ɓē gotən tə́.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

AMOS 1:12

M-ā m-ə́la hor dɔ ɓē yādə́ kə́ Teman tə́ tə́, adə̄ a o̰o̰ kújə yādə́ kə́ majə gə̄ kə́ kem ɓē kə́ Bosra tə́ kɔ̄ɔ́.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

ABƏDIAS 1:18

Kojə yā Jakob ō, yā Jəjep ō, a ton̄ tītə̄ hor beé. Nin̄ a nujən̄ de gə̄ kə́ kem kojə yā Esau tə́ malang kɔ̄ɔ́ tītə̄ mu beé. De kə́ yā ndi kə kumneé a gətóo. I mā Kɔ́ɔ̄ɓē n m-ə́da najə̄ ń noó ní.

1 YÁ̰A̰ GƏ̄ 1:44

Dan ń Bela oy ní i Yobab kə́ ngōn̄ Jera kə́ Bosra n o̰o̰ ɓē gotən tə́ ní.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ kāgə̄ nduú gə̄ beé.

JEREMI 48:24

Keriyot tə́ ō, Bosra tə́ ō, adə̄ i dɔ ɓē gə̄ malang kə́ Moab tə́, kə́ sa̰y gə̄ ō, kə́ ngɔr gə̄ ō.