JEREMI 49:11 - Bibəl ta Sar̄

¹¹ Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

Bible sar

¹¹ Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

JEREMI 49:11 Referans Kwoze

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JONAS 4:11

Ba ɓē kə́ Ninibə ń de kə́ kemeé gə̄ kə́ mānə̄n̄ 120 000 ń noō, gerə̄n̄ yá̰á̰ kə́ majə tām̄ yādə́ tə́ aĺ ō, dā̰ gə̄ i ngá̰ý kemeé ō ní, kə mā kə kumḿ kə o̰o̰m̄ tām̄ yān tə́ aĺ a?

PĀ GƏ̄ 146:9

Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

PĀ GƏ̄ 82:3

Majə kadə̄ ī-gāngī sarya kə gōó tām̄ yā nge tɔ́gə gətóó tə́ ō ngōn̄ hal tə́ ō. Ī-gāngī sarya yā nge rɔ̄ tō ndoō ō, nge nal̄ yá̰a̰ ō, kə gōó.

NDŪ NAJƏ̄ 10:18

Ni i nge rɔ̄ɔ̄ dɔ ngōn̄ hal tə́ ō, dɔ dəyá̰ kə́ ngaa koy tə́ ō, ni i nge tár nge nam̄ kə yá̰a̰ kəsaá ō, kə kūbūú ō.

JAKARI 7:10

Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.