JEREMI 49:1 - Bibəl ta Sar̄

¹ Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

Bible sar

¹ Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: *Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 49:1 Referans Kwoze

NDŪ NAJƏ̄ 23:3

Ngōn̄ kə́ kojən kə gō ndū najə̄ kə́ dɔ taā naā tə́ alé a udə dan ngé kán̄ naā gə̄ yā Kɔ́ɔ̄ɓē tə́ alé. Ngōnən ō, ngōn̄ kaan ō, kaa gugūn ō, kaa dɔgən ō, a udən̄ alé. Ká i gír kojə yān kə́ nge ko̰ kutə gə̄gē a udə alé.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

JEREMI 25:21

Edom gə̄ ō, Moab gə̄ ō, Amon gə̄ ō,

2 YÁ̰A̰ GƏ̄ 20:1

Gō tə́ anī Moab gə̄ ō, Amon gə̄ ō, naā tə́ kə Mewni gə̄, reē ənīn̄ Josapat rɔ̄ɔ̄.

JEREMI 49:28

Kə́ tām̄ yā Kedar tə́ ō, ɓē ko̰o̰ kə́ Hasor tə́ ō ń Nabukodonosor, mban̄g kə́ Babilon tetədə́ rɔ̄ɔ̄ ní, najə̄ ń Kɔ́ɔ̄ɓē əda ní n toó: Ḭ́ḭī dɔɔ́, āw̄ ə̄nīī Kedar rɔ̄ɔ̄ ō, āw̄ ī-nujiī kə yá̰a̰ yā ngáń kə́ gír ɓē tə́ gēé malang kɔ̄ɔ́ ō.

JEREMI 49:23

Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

JEREMI 27:3

ā ə́lań yā kadə̄ mban̄g kə́ Edom ō, kə́ Moab ō, mban̄g yā Amon gə̄ ō, mban̄g kə́ Tir ō, kə́ Sidon ō. Ā ādə̄ i ngé kɔsə kum gotə ɓē ko̰o̰ gə̄ ń ugə̄n̄ Jerusalem rɔ̄ Sedekias, mban̄g kə́ Juda tə́ ní n kadə̄ aw̄n̄neé adə̄n̄ mban̄g gə̄ ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

PĀ GƏ̄ 83:7

Madə̄ ba̰ā̰í gə̄ ní i Edom gə̄ ō Ismael gə̄ ō Moab gə̄ ō Agar gə̄ ō Gebal gə̄ ō

PĀ GƏ̄ 9:6

Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

NEHEMI 4:7

Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

2 YÁ̰A̰ GƏ̄ 20:23

Ngán Amon gə̄ ō, Moab gə̄ ō, əlan̄ gír rɔ̄ɔ̄ de kə́ dɔ mbal̄ kə́ Seir tə́ gə̄. Nin̄ tɔ̄lə̄n̄də́ náḿ náḿ. Gō tə́ anī nin̄ kɔ́ gə̄ tél tɔ̄lə̄n̄ naā kɔ̄ɔ́ malang.

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

2 MBAN̄G 10:33

ba taā dɔ nang yādə́ kə́ gidə bā Jurdḛ tə́ dām̄ kə́ gír ɓē tə́, adə̄ i gō nang malang kə́ Galaad ō, gō nang yā ngán Gad gə̄ ō, yā ngán Ruben gə̄ ō, yā ngán Manase gə̄ ō. Əla gír dɔ ɓē kə́ Aroer dɔ gɔ́sə bā Arnon tə́ bátə́ ugə̄ń gō nang kə́ Galaad tə́ ō, Basan tə́ ō.

NDŪ NAJƏ̄ 2:19

Ā ūgī dɔ nang yā ngán Amon ń ra nosí tə́ ní. Ī-lōōī sāā tadə́ ō, kənīdə́ rɔ̄ɔ̄ ō. Na m-ā m-ādə̄sí yá̰á̰ kógə̄ḿ dɔ nang yā ngán Amon gə̄ tə́ alé. Tām̄ nin̄ i ngán kaa Lot gə̄ ō, dɔ nang ń noō m-ādə̄də́ i nin̄ ō.

TA KƏLA 19:38

Nge kə́ dūú ojə ngōn̄ kə́ dəngam ō. Ni-əndā rīn na i Ben Ami. Ni i kaa Amon gə̄ n ndiń noó ɓōólaā ní.

NDŪ NAJƏ̄ 23:4

Amon gə̄ ō, Moab gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé i kə́ bátə́ gə̄ tə́. Ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé. Ká i gír kojə yādə́ kə́ nge ko̰ kutə gə̄gē a udə alé.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

EJEKIEL 25:1

Kɔ́ɔ̄ɓē ɔr̄ najə̄ seḿ, ədam̄ na: