JEREMI 48:8 - Bibəl ta Sar̄

⁸ Nge nujə loo taā ɓē gə̄ malang, kógə̄ḿ kə́ teē jīn tə́ gətóo. Yá̰a̰ malang kə́ wól loo tə́ gətóo kɔ̄ɔ́, ndágə loo kə́ kḭḭ kə̄ dɔɔ́ nujə sák sák kɔ̄ɔ́. I yá̰á̰ ń noō n Kɔ́ɔ̄ɓē əda najə̄n kété ní, ni-əda na:

Bible sar

⁸ Nge nujə loo taā ɓē gə̄ malang, kógə̄ḿ kə́ teē jīn tə́ gətóo. Yá̰a̰ malang kə́ wól loo tə́ gətóo kɔ̄ɔ́, ndágə loo kə́ kḭḭ kə̄ dɔɔ́ nujə sák sák kɔ̄ɔ́. I yá̰á̰ ń noō n Kɔ́ɔ̄ɓē əda najə̄n kété ní, ni-əda na:

JEREMI 48:8 Referans Kwoze

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

EJEKIEL 25:9

M-ā m̄-teē ta róbə kem ɓē gə̄ kə́ Moab tə́, kem ɓē kə́ majə ngá̰ý kə́ Moab tə́ gə̄ ń i Bet Yesimot ō, Baal Meon ō, Kiryataim ō ní gə̄gē, a nujən̄də́ sák sák kɔ̄ɔ́.

JEREMI 51:56

A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

JEREMI 48:18

Sḭḭ̄ de kə́ Dibon gə̄, ī-risiī dɔ yá̰á̰ kə́ to kɔsə gɔn yāsí tə́ ō, ī-ndiī kə kəndā maná ō. Nge nujə kə ɓē kə́ Moab sák sák aw̄ kənīsí rɔ̄ɔ̄ tə́, ni nujə ɓē yāsí kə́ ngan̄g ngá̰ý gə̄ kɔ̄ɔ́.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 15:8

m̄-rāā adə̄ dəyá̰ yān kə́ ngaa koy gə̄ i ngá̰ý tɔȳ kum nán̄g ngárə̄ḿnjēý kə́ ta bā tə́. m̄-rāā ādə̄ nge nujə loo reē dan kadə ndaá dɔ kó̰o̰ nge rɔ̄ɔ̄ kə́ balsáá tə́. m̄-rāā ādə̄ yá̰á̰ kə́ tə́la naā kə́ to ɓōĺ ngá̰ý əsō dɔn tə́ gidə kógə̄ḿ.

JOJUE 13:21

Nja loo yādə́ ní un i ɓē gə̄ ń ndin̄ loo ké kḭḭ kə̄ dɔɔ́ ba gidə asə naā tə́ ní ngóy alé, ba un dɔ nang yā Sihon mban̄g yā Amor gə̄ ń kété o̰o̰ ɓē kə́ Hesəbon ní ō. Moijə tetən rɔ̄ɔ̄ ō, tetəń ngār gə̄ kə́ Madian ń əlan̄ dɔdə́ gíŕ tɔ́gə yān tə́ ní rɔ̄ɔ̄ ō. Ngār gə̄ ní i Ebi ō, Rekem ō, Sur ō, Hur ō, Reba ō.

JOJUE 13:17

Adə̄ i ɓē kə́ Hesəbon ō, gotə ɓē kə́ rang gə̄ ō. Rī ɓē gə̄ ní n toó: Dibon ō, Bamot Baal ō Bet Baal Meon ō,

JOJUE 13:9

Gō nja loo yādə́ teē ɓē kə́ Aroer dɔ gɔ́sə man̄ Arnon tə́ ō, teē ɓē ń ra kum wól tə́ ní ō. Gō nja loo ní un loo kə́ kḭḭ kə̄ dɔɔ́ ba gidə asə naā ń ḭḭ Medeba bátə́ Dibon ní ō,