JEREMI 48:7 - Bibəl ta Sar̄

⁷ Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

Bible sar

⁷ Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə *ngé tun̄ yá̰a̰ yāí gə̄ ō, ngār yāí gə̄ ō.

JEREMI 48:7 Referans Kwoze

TƏ́DA 21:29

Moab, yá̰á̰ kə́ to kum kaȳ aĺ əso dɔí tə́. Sḭḭ̄ ngé rāā ɓesə̄ Kemos gə̄, tasí tḭ̄ḭ̄ kɔ̄ɔ́. Moab, rāān̄ ngání kə́ dəngam gə̄ adə̄ a̰ȳn̄ naā ram ram. Rāān̄ ngé kə́ dəyá̰ gə̄ ɓəlo yā Sihon mban̄g yā Amor gə̄ tə́.

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

OJEE 10:13

Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

JEREMI 48:46

Moab, i yá̰á̰ kə́ to kum kaȳ aĺ kə́ ba̰ý beé n rāāī ní? Ta gír de kə́ Kemos tə́ gə̄ tḭ̄ḭ̄ kɔ̄ɔ́. Əhɔn̄ ngání kə́ dəngam gə̄ ta rɔ̄ɔ̄ tə́ aw̄n̄ sedə́ ō, əhɔn̄ ngání kə́ dəyá̰ gə̄ əlan̄də́ dəngáyá ō.

JEREMI 48:13

Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

JEREMI 43:12

M-ā m-ə́la hor dɔ kújə yā nə́ɓā gə̄ kə́ Ejiptə tə́ ń i ɓesə̄ gə̄ ní tə́. Nabukodonosor a əla hor dɔ ɓesə̄ gə̄ ní tə́ ō, a ɔydə́ yā kaw̄ń ō, a ró̰ȳdə́ kɔ̄ɔ́ Ejiptə tə́ tītə̄ ń nge kul̄ yá̰a̰ a əhɔń ngə́sā tū kūbə̄ yān tə́ ní beé ō, a tél yā kaw̄ gogə́ kanjə̄ kadə̄ yá̰á̰ kógə̄ḿ rāān ō.

JEREMI 13:25

Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

NGÉ SARYA 11:24

Nge ń ɓesə̄ yāí Kemos adī ní i gír jīí tə́ aĺ ɓáý a? Ní yá̰a̰ malang ń Kɔ́ɔ̄ɓē Nə́ɓā yājí adə̄jí ní kə j-ənge aĺ a?

2 SAMUEL 5:21

Pilistin gə̄ əya̰n̄ ɓesə̄ yādə́ gə̄ kɔ̄ɔ́ loo ní tə́, adə̄ Dabid nin̄ kə deē yān gēé ɔy aw̄n̄neé.

JEREMI 49:4

Sḭḭ̄ gír de kə́ ta tḭ̄ḭ̄ kɔ̄ɔ́ gə̄, i tām̄ rí tə́ á ɔ́jiī rɔ̄sí kə wól loo yāsí ní? Man̄ nūgə́ ngá̰ý kem wól loo yāsí tə́, adə̄ ə̄ndāī kemsí dɔ dūbə̄ yá̰a̰ kənge yāsí tə́ ba ə́daī na: I náā n a ənījí rɔ̄ɔ̄?