JEREMI 48:47 - Bibəl ta Sar̄

⁴⁷ Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

Bible sar

⁴⁷ Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

JEREMI 48:47 Referans Kwoze

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 49:6

Gō yá̰á̰ ń noō tə́ anī, m-ā m̄-t-él yā kəndā Amon gə̄ kadə̄ majə tītə̄ kə́ kété. Najə̄ ń Kɔ́ɔ̄ɓē əda ní n noó.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

JEREMI 46:26

M-ā m-ə́ládə́ kem jī ngé ndə̄ngādə́ yo gə̄ tə́, adə̄ i kem jī Nabukodonosor mban̄g kə́ Babilon tə́ ō, kem jī ngé kəla yān gə̄ tə́ ō. Gō tə́ anī, de gə̄ a télən̄ yā ndi Ejiptə tə́ tītə̄ kə́ kété. Najə̄ ń Kɔ́ɔ̄ɓē əda ní n noó.

JEREMI 30:24

Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

JEREMI 12:15

Ba gō tə́ dan ń m-ā m-ɔ̄r̄də́ kə ngəradə́ oy anī, kumḿ a tél yā ko̰o̰m̄ sedə́. Adə̄ m-ā m̄-tél yā reē sedə́ kógə̄ḿ kógə̄ḿ kem ɓē yādə́ tə́ ō, ta yá̰a̰ kənge yādə́ tə́ ō.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

IJAI 18:7

Loo ń noō tə́ a reēn̄ kə yá̰a̰ ndējə̄ gə̄ yā kadə̄ Kɔ́ɔ̄ɓē kə́ bo kə́ tɔ́gən i ngá̰ý. Yá̰a̰ ndējə̄ gə̄ ní, i yā nápar de gə̄ kə́ ngāl̄ gə̄ ń toō, ń i nápar de gə̄ kə́ ndāŕdə́ ndə́lē ō, de gə̄ ɓōlə́n̄də́ laā ō, kə̄ loo gə̄ tə́ ō, tɔ́gə́də́ i ngá̰ý adə̄ nin̄ rējə̄n̄ madə̄ ba̰ā̰də́ gə̄ ō, ndin̄ i kem ɓē kə́ bā gə̄ əndan̄ dan gāngə̄n̄ tə́ ō ní. A reēn̄ kə yá̰a̰ ndējə̄ gə̄ ní i dɔ mbal̄ bo kə́ Siyo̰ tə́, loo ń Kɔ́ɔ̄ɓē kə́ bo kə́ tɔ́gən i ngá̰ý ndi tū tə́ ní tə́.

Makətūbə̄ yā Job 19:25

Mā m̄-ger̄ majə kadə̄ nge gān̄g dɔḿ ndi kə kumneé ō, m̄-ger̄ kadə̄ a ḭḭ dɔɔ́ gō gogə́ dɔ nang tə́ ō.

NDŪ NAJƏ̄ 31:29

Tɔdɔ̄ m̄-ger̄ kadə̄ ré m-óy kɔ̄ɔ́ anī, ngán Israel gə̄ a rāān̄ yá̰a̰ majaĺ ō, a əya̰n̄ róbə́ ń m-ɔ́jə́də́ ní kɔ̄ɔ́ ō. Ta tɔ̄l̄ ta anī yá̰á̰ kə́ to kum kaȳ aĺ a reē dɔdə́ tə́, tām̄ yá̰á̰ kə́ majaĺ ń rāān̄ adə̄ rɔ̄ Kɔ́ɔ̄ɓē nelə̄n aĺ ō, wōn̄g rāān ō ní tə́.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

EJEKIEL 38:8

Ndɔ̄ń tə́, gō ɓāl̄ gə̄ kə́ ngá̰ý tə́ ní, m-ā m-ə́laī kadə̄ āw̄ ī-rɔ̄ɔ̄ ɓē kə́ Israel. Kum mbang ngeé ń noō tə́ ní, de kə́ kemeé gə̄ teēn̄ ta rɔ̄ɔ̄ tə́ i sa sat. Nin̄ teēn̄ kɔ̄ɔ́ kem ɓē gə̄ ń ndin̄ kemeé tə́ ní. A kánə̄n̄də́ dɔ mbal̄ gə̄ kə́ Israel tə́ ń de gə̄ gətóon̄ dɔ tə́ i jóó ngá̰ý ní. Dan ń nin̄ teēn̄ kɔ̄ɔ́ dan gír de kə́ rang gə̄ tə́ oy anī, nin̄ malang a ndin̄ kanjə̄ sōl̄ yá̰á̰ kógə̄ḿ.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

IJAI 25:11

Loo ń noō tə́ ni sə́ra jīn kə̄ kété ō, téləń kə̄ rɔ̄n tə́ ō, tītə̄ nge kal man̄ beé. Ni-əhɔ rɔ̄n tɔgə ngá̰ý ɓá tā, banī Kɔ́ɔ̄ɓē tél kə kɔjə rɔ̄ yānneé kə̄ nang tə́.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.