JEREMI 48:44 - Bibəl ta Sar̄

⁴⁴ Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

Bible sar

⁴⁴ Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

JEREMI 48:44 Referans Kwoze

JEREMI 11:23

De kógə̄ḿ kə́ a teē ta yo tə́ a gətóó bátə́ ɓēé loodə́. M-ā m̄-rāā kadə̄ yá̰á̰ kə́ to kum kaȳ aĺ a teē dɔ de kə́ Anatot gə̄ tə́, kem ɓāl̄ ń m-ā m-ādə̄ a ɔjə̄n̄neé kəla rāādə́ gə̄ tə́ ní.

1 MBAN̄G GƏ̄ 19:17

Deē ń a teē ta kaskar yā Hajael tə́ ní, Yehu a tɔ̄lən ō, deē ń a teē ta kaskar yā Yehu tə́ ní, Elije a tɔ̄lən ō.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

JEREMI 51:18

Nin̄ i yá̰á̰ kə́ kanjə̄ kumən gə̄, i yá̰a̰ kəgō yā de gə̄. Nin̄ a gətóon̄ kɔ̄ɔ́, dan ń kum mbang kə́ kadə̄ əngen̄ń ndéy ugə̄ ní.

JEREMI 23:12

Ní loo a ndəte sedə́ dɔ róbə yādə́ gə̄ tə́ ō, a ndɔmə̄n̄ kum loo kə́ risə til tə́ ō, a tə́sōn̄ ō. M-ā m̄-rāā kadə̄ yá̰á̰ kə́ to kum kaȳ aĺ əso dɔdə́ tə́, kem ɓāl̄ ń m-ā m-ādə̄ a ɔjəmə̄nneé kəla rāādə́ gə̄ tə́ ní. Najə̄ ń Kɔ́ɔ̄ɓē əda ní n noó.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

1 MBAN̄G GƏ̄ 20:30

Ngé gə̄ ń teēn̄ ta yo tə́ ní a̰ȳ aw̄n̄ kem ɓē kə́ Apek tə́. Banī ndogə̄ mbal̄ ń əndān̄ gīrə̄neé gidə ɓē ní tetə dɔdə́ tə́. Nin̄ i deē dūbú kutə̄ jōó gidə i sīrí. Ben Hadad a̰ȳ aw̄ udə kem ɓēé ba ɓɔ̄ɔ̄ rɔ̄n gə́lé kújə́ kógə̄ḿ tə́.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 50:24

Babilon m-ə̄yā gūmbə̄ noí tə́ adə̄ ə̄sō tū tə́ kanjə̄ kadə̄ ī-ger̄ gō. De gə̄ teēn̄ dɔí tə́ ō, əhɔnī, tɔdɔ̄ ḭ̄ ə̄nī Kɔ́ɔ̄ɓē rɔ̄ɔ̄.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

NŌŌ RƆ̄ 3:47

Jə-ɓōĺ ngá̰ý ō, j-udə kem bəlo kə́ lú ngá̰ý tə́ ō, jə-nujə sák sák ō, jə-tétə̄ naā tə́ rárák ō.

IJAI 24:17

Ɓōĺ ō, bəlo kə́ ɗúú ngá̰ý ō, gūmbə̄ gə̄ ō, yá̰a̰ malang ń noō ní i tām̄ yāsí tə́, sḭḭ̄ de kə́ dɔ nang tə́ gə̄.

JEREMI 49:8

Sḭḭ̄ Dedan gə̄ ī-tūrī gándə́sí ā̰yī naā aw̄ ī-ɓɔ̄ɔ̄ī rɔ̄sí kem bəlo gə̄ tə́. I mbang kə́ yā kadə̄ ɔ́jəmīneé kəla rāāsí gə̄.