JEREMI 48:41 - Bibəl ta Sar̄

⁴¹ Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

Bible sar

⁴¹ Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

JEREMI 48:41 Referans Kwoze

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 30:6

Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

JEREMI 4:9

Ndɔ̄ nəkɔ́ ń noō tə́ ní tɔ́gə mban̄g ō, tɔ́gə de kə́ bo yān gə̄ ō a ɔr̄ kɔ̄ɔ́. Najə̄ ń Kɔ́ɔ̄ɓē əda ní n noó. Ngé tun̄ yá̰a̰ gə̄ ndin̄ tadə́ mbóó kóńg, ángal ngé koō ta gə̄ nujə sák sák.

JEREMI 48:24

Keriyot tə́ ō, Bosra tə́ ō, adə̄ i dɔ ɓē gə̄ malang kə́ Moab tə́, kə́ sa̰y gə̄ ō, kə́ ngɔr gə̄ ō.

JEREMI 50:37

Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.

AMOS 2:2

M-ā m-ə́la hor dɔ ɓē kə́ Moab tə́, adə̄ a o̰o̰ kújə́ kə́ majə gə̄ kə́ kem ɓē kə́ Keriyot tə́ kɔ̄ɔ́. Moab a oy i dan kōō yá̰á̰ kə́ ɓār̄ ngá̰ý tə́ ō, kɔĺ rɔ̄ɔ̄ tə́ ō, kōō tōw̄ gajə batə̄ kə́ kɔ̄ĺ tə́ ō.