JEREMI 48:37 - Bibəl ta Sar̄

³⁷ Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

Bible sar

³⁷ Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

JEREMI 48:37 Referans Kwoze

JEREMI 47:5

Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

JEREMI 41:5

Anī de kə́ dəngam gə̄ kutə sɔ́sɔ́ ḭḭn̄ Sisem ō, Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem kújə yā Kɔ́ɔ̄ɓē tə́.

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

IJAI 20:2

Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

MARK 5:5

Kə dɔ ndɔ̄ gə̄ ní, ndɔ̄ɔ́ ō kadaá ō, ni a njə̄rā i dɔ ɓádə gə̄ tə́, aláa i dɔ mbal̄ gə̄ tə́. Ni a gán̄g kɔŕ ō, a tə́jā rɔ̄n kə gájə mbal̄ gēé ō.

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

IJAI 37:1

Dan ń mban̄g Ejekias oō najə̄ ní anī, rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem kújə yā Kɔ́ɔ̄ɓē tə́.

IJAI 3:24

Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

2 MBAN̄G 6:30

Mban̄g oō gotə najə̄ ń dəyá̰ ɔjən ní beē anī, əhɔ kūbə̄ kə́ rɔ̄n tə́ rə̄yā̰. Ba dan ń ni a mān̄ i dɔ ndogə̄ mbal̄ tə́ ní, de kə́ kem ɓēé gə̄ malang a̰a̰n̄ kadə̄ mban̄g o̰ō̰ kūbə̄ sákə̄ rɔ̄n tə́ gír kūbə̄ madə̄ gə̄ tə́, adə̄ kūbə̄ ní ɔdə ndārə́n.

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

1 MBAN̄G GƏ̄ 18:28

Nin̄ əgan̄ kɔŕ kə ndūdə́ kə́ bo tɔȳ ké kété. Tá nin̄ tə́jān̄ rɔ̄də́ kə doó kə kaskaraá ō, kə nə̄ngaá ō, tītə̄ ń i jī bēl̄ loo rāādə́ tə́ ní adə̄ mósə a̰ȳ rɔ̄də́ tə́ mbong.

LEBI GƏ̄ 19:28

Ī-tə́jāī rɔ̄sí kə doó loo wōn̄g yo tə́ aĺ ō, ə̄ndāī tə́ra rɔ̄sí tə́ aĺ ō. Mā i Kɔ́ɔ̄ɓē.

TA KƏLA 37:29

Ruben tél reē ta bəlo taā man̄ ndī ní tə́, anī ənge Jəjep kemeé alé. Ni rə̄yā̰ kūbə̄ kə́ rɔ̄n tə́

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

EJEKIEL 29:18

Ḭ̄ ngōn̄ deē, ōō! Nabukodonosor, mban̄g kə́ Babilon ra kə ngé rɔ̄ɔ̄ yān gēé adə̄ rāān̄ kəla ngan̄g ngá̰ý gə̄ yā rɔ̄ɔń Tir. Nənga dɔ áskar yān gə̄ ɔr̄ kɔ̄ɔ́ malang ō, əngen̄ do dɔ bɔ̄gə̄də́ gə̄ tə́ ō. Ɓá tā ba yá̰á̰ ń mban̄g nin̄ kə ngé rɔ̄ɔ̄ yān gēé loo rɔ̄ɔ̄ ɓē kə́ Tir tə́ ní, nin̄ əngen̄ yá̰á̰ kógə̄ḿ gírí jī ɓē kə́ Tir tə́ alé.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.