JEREMI 48:27 - Bibəl ta Sar̄

²⁷ I rɔ̄kum kadə̄ Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

Bible sar

²⁷ I rɔ̄kum kadə̄ *Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

JEREMI 48:27 Referans Kwoze

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō.

SOPONI 2:8

M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

EJEKIEL 25:8

Najə̄ ń Kɔ́ɔ̄ɓē Nə́ɓā ɔr̄ ní n toó: Moab gə̄ ədan̄ na: De gə̄ kə́ gír yā Juda tə́ gə̄ ton̄ i tītə̄ gotə nápar de gə̄.

MATIYE 27:38

Əndan̄ ngé kum̄ róbə gə̄ jōó kə máyá̰ tū kāgə̄ kə́ dēsə́ gə̄ tə́ kadə Jeju tə́. Kógə̄ḿ i dɔ jī ko̰n tə́ ō, kə́rēý i dɔ jī gelən tə́ ō.

MATIYE 26:55

Gō tə́ anī Jeju əda kósə de gə̄ na: Ī-reēī kəhɔḿ tə́ kə kaskar gə̄, kə sálang kāgə̄ gə̄ tītə̄ loo reē kəhɔ nge kum̄ róbə́ tə́ beē a! Kə dɔ ndɔ̄ gə̄ m̄-ndi kem kújə yā Nə́ɓā tə́ m̄-ndóoń de gə̄ yá̰a̰, ba sḭḭ̄ ə́hɔmī alé.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

SOPONI 2:10

Yá̰á̰ ń nin̄ a əngen̄ tām̄ kɔjə rɔ̄ yādə́ tə́ ní n noó. A̰á̰ā̰, nin̄ tájə̄n̄ gír de gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír de gə̄ yā Kɔ́ɔ̄ɓē ō.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

EJEKIEL 36:2

Madə̄ ba̰ā̰sí gə̄ lurən̄ loo ədan̄ na: Haw! Mbal̄ bo kə́ jóo gə̄ kə́ Israel tə́ i yājí ngɔlaā!

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

PĀ GƏ̄ 44:13

Ḭ̄ ə́ya̰ ādə̄ mangən̄ gír deē yāí gə̄ kə gātə̄ kə́ ngáā aĺ, manə̄n kə́ sḛ́ý beē gə̄gē ā ə́nge dɔ tə́ alé.

Makətūbə̄ yā Job 16:4

Ré yá̰á̰ ń rāām̄ toó i sḭḭ̄ n rāāsí anī, mā m-ā m-ɔ̄r̄ najə̄ i tītə̄ yāsí beé ō. M-ā m-ɔ́y najə̄ gə̄ kə̄ naā tə́ yā kɔr̄ sesí majə ngá̰ý ō, m-ā m̄-wél̄ dɔḿ yā kɔjəń kadə̄ kumḿ o̰o̰m̄ ō,

PĀ GƏ̄ 64:8

Banī Nə́ɓā túr̄də́ kə kum gəraá kə̄ ta jī tə́ noō, adə̄ yá̰á̰ ń nin̄ kɔ́ gə̄ nómə̄n̄ ní tél rāādə́.

NŌŌ RƆ̄ 1:7

Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.