JEREMI 48:20 - Bibəl ta Sar̄

²⁰ Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

Bible sar

²⁰ Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

JEREMI 48:20 Referans Kwoze

IJAI 16:2

Dəyá̰ kə́ Moab gə̄ i loo gə̄ ń de gə̄ a teēn̄ man̄ Arnon tū tə́ ní tə́. Nin̄ ton̄ i tītə̄ yel̄ gə̄ kə́ a̰ȳn̄ naā beé, yel̄ gə̄ kə́ tə̄ɓān̄də́ kɔ̄ɔ́ kem ɓēdə́ tə́ kadə̄ a̰ȳ aw̄n̄ sa̰y beé.

IJAI 15:8

De gə̄ ɓārə́n̄ yá̰a̰ kə gō gidə ɓē kə́ Moab kadə̄ dḭḭ̄n̄də́. Kɔŕ yo ɓār̄ bátə́ ugə̄ Egəlaim, ɓār̄ bátə́ ugə̄ dɔ bəlo man̄ gə̄ kə́ Elim tə́.

NGÉ SARYA 11:18

Loo ń noō tə́ nin̄ unən̄ róbə́ kə́ kem dəla loo tə́, ba gōngə̄n̄ dɔ nang kə́ Edom ō, kə́ Moab ō. Aw̄ ugə̄n̄ dām̄ kə́ gír ɓē tə́ banī əya̰n̄ dɔ nang kə́ Moab kə̄ dām̄ kə́ no ɓē tə́. Nin̄ əndān̄ gérger yādə́ gidə man̄ Arnon tə́ kə̄ dām̄ kə́ nú tə́ ba udən̄ dɔ nang kə́ Moab tə́ alé. Tɔdɔ̄ man̄ Arnon rāā rɔ̄n i dɔ nin̄ dɔ nang kə́ Moab tə́.

JOJUE 13:9

Gō nja loo yādə́ teē ɓē kə́ Aroer dɔ gɔ́sə man̄ Arnon tə́ ō, teē ɓē ń ra kum wól tə́ ní ō. Gō nja loo ní un loo kə́ kḭḭ kə̄ dɔɔ́ ba gidə asə naā ń ḭḭ Medeba bátə́ Dibon ní ō,

NDŪ NAJƏ̄ 2:36

Əla gír dɔ ɓē kə́ dɔ gɔ́sə man̄ Arnon tə́ ń rīn na i Aroer ní ō, dɔ ɓē ń ndi kum wól loo tə́ ní ō, bátə́ ugə̄ń dɔ nang kə́ Galaad tə́ ní, ɓē kə́ dum̄jí gətóo. Kɔ́ɔ̄ɓē Nə́ɓā yājí əla ɓē gə̄ ń noō malang kem jījí tə́.