JEREMI 48:13 - Bibəl ta Sar̄

¹³ Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

Bible sar

¹³ Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ *Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

JEREMI 48:13 Referans Kwoze

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

IJAI 45:16

Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

NGÉ SARYA 11:24

Nge ń ɓesə̄ yāí Kemos adī ní i gír jīí tə́ aĺ ɓáý a? Ní yá̰a̰ malang ń Kɔ́ɔ̄ɓē Nə́ɓā yājí adə̄jí ní kə j-ənge aĺ a?

JEREMI 48:46

Moab, i yá̰á̰ kə́ to kum kaȳ aĺ kə́ ba̰ý beé n rāāī ní? Ta gír de kə́ Kemos tə́ gə̄ tḭ̄ḭ̄ kɔ̄ɔ́. Əhɔn̄ ngání kə́ dəngam gə̄ ta rɔ̄ɔ̄ tə́ aw̄n̄ sedə́ ō, əhɔn̄ ngání kə́ dəyá̰ gə̄ əlan̄də́ dəngáyá ō.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 16:12

Moab gə̄ ɔrən̄ loo kal̄ tə́ ta kaw̄ kə̄ dɔɔ́, adə̄ de gə̄ a̰a̰n̄də́. Nin̄ aw̄n̄ ndɔ̄yɔ̄ɔ́ loo yādə́ kə́ yā ɓōĺ gidə tə́, banī nge ń noō a rāā yá̰a̰ alé.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

1 MBAN̄G GƏ̄ 18:40

Eli ədadə́ na: Əhɔī ngé koō ta yā Baal gə̄, ī-lōōī kəya̰ deē kógə̄ḿ dandə́ tə́ kadə̄ teē a̰ȳ! Anī əhɔn̄də́. Eli aw̄ sedə́ kem gúŕ ń man̄ Kison a nūgə́ tū tə́ ní tə́ ba əja kɔ́də́ loo ń noō tə́.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

JEREMI 48:12

Tā anī kem ndɔ̄ gə̄ ń a reēn̄ noó tə́ ní, m-ā m-ə́la kə de gēé kadə̄ tūrə̄n̄ gírən kem jóó kə́ rang gə̄ tə́ ō, yā kəya̰ kem jóo yān gə̄ karī ō, tɔ̄ɔ̄də́ kɔ̄ɔ́ ō.

2 YÁ̰A̰ GƏ̄ 25:15

Wōn̄g rāā Kɔ́ɔ̄ɓē seneé adə̄ əla nge koō ta kógə̄ḿ adə̄ reē ədan na: Nə́ɓā gə̄ yā gír de gə̄ ń toō ń asən̄ taādə́ jīí tə́ aĺ ní ī-rɔȳdə́ i tām̄ rí tə́?