JEREMI 48:10 - Bibəl ta Sar̄

¹⁰ Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

Bible sar

¹⁰ Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

JEREMI 48:10 Referans Kwoze

1 MBAN̄G GƏ̄ 20:42

Nge koō ta ní əda mban̄g na: Kɔ́ɔ̄ɓē əda na: Dan ń ə́ya̰ deē ń m-ə́da na kə ī-tɔ̄lə̄n kɔ̄ɔ́ ní ādə̄ teē jīí tə́ a̰ȳ aw̄ ní yá̰á̰ ń kadə̄ rāān ní a rāāī ō, yá̰á̰ ń kadə̄ rāā deē yān gə̄ ní a rāā deē yāí gə̄ ō.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

NGÉ SARYA 5:23

Nge kaw̄ kəla yā Kɔ́ɔ̄ɓē əda na: Ī-ndɔ̄líī ɓē kə́ Merojə, ī-ndɔ̄líī, ī-ndɔ̄líī de kə́ kemeé gə̄, tɔdɔ̄ dḭḭ̄n̄ Kɔ́ɔ̄ɓē alé, rɔ̄ɔ̄n̄ naā tə́ kə go̰ rɔ̄ɔ̄ yān gēé alé.

2 MBAN̄G 13:19

Loo ń noō tə́ wōn̄g rāā deē yā Nə́ɓā seneé adə̄ ədan na: Nə́ngē tə́ gēé ə́nda dɔ nang nja i mí aláa i mehḛ́ n toó ní a, ā ī-tetə Aram gə̄ rɔ̄ɔ̄ ō, ā ī-tɔ̄l̄də́ malang kɔ̄ɔ́ ō. Ba ń toō ní a, ā ī-tetədə́ rɔ̄ɔ̄ i nja mətá beē ngóy.

1 SAMUEL 15:9

Saul nin̄ kə ngán Israel gēé əya̰n̄ Agag ō, yá̰a̰ kul̄ kə́ majə majə gə̄ ō. Nin̄ əya̰n̄ man̄g gə̄ ō, batə̄ gə̄ ō, bə̄yā̰ gə̄ ō, yá̰a̰ kul̄ kə́ bo majə gə̄ ō, ngán batə̄ gə̄ ō. I yá̰a̰ kul̄ kə́ majə ngá̰ý gə̄ n nin̄ əya̰n̄də́ kə kumuú ní. Ba i ngé kə́ to yá̰a̰ aĺ gə̄ ō, majən̄ aĺ ō n tɔ̄lə̄n̄də́ kɔ̄ɔ́ malang tām̄ yā Kɔ́ɔ̄ɓē tə́ ní.

JEREMI 50:25

Kɔ́ɔ̄ɓē teē ta loo ngɔ̄m̄ yá̰a̰ rɔ̄ɔ̄ yān gə̄ malang ō, ɔy yá̰a̰ gə̄ ní teēn̄ ndágá kə wōngōó ō. A̰á̰ā̰, i kəla rāā Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý kem ɓē yā Kalde gə̄ tə́.

JEREMI 47:6

I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

1 MBAN̄G GƏ̄ 20:39

Dan ń mban̄g a mān̄ anī, un ndūn kə̄ dɔɔ́ ədanəń na: Kɔ́ɔ̄ ɓē gə̄, mā nge kəla yāí m̄-teē m-āw̄ ta rɔ̄ɔ̄ tə́ anī, de kə́rēý ɔtə ta rɔ̄ɔ̄ tə́ reē kə deē kógə̄ḿ adə̄m̄ ba əda na kə m̄-ngɔ̄m̄ deē ní. Ré na m-ə́ya̰ deē ní adə̄ aw̄ anī, yá̰á̰ ń rāā kɔ́ɔ̄ ní na a rāām̄ ō, aláa na m-ā m-ādə̄ sə́lē arjā̰a̰ dūbú mətá tām̄ yā deē ní tə́ ō.

1 MBAN̄G GƏ̄ 20:40

Ba dan ń m̄-rā m-ā m̄-rāā kəla dām̄ kə́rēý tə́ anī, dəngáý ní a̰ȳ aw̄ kɔ̄ɔ́. Anī mban̄g kə́ Israel tə́ tél ədan na: Majə, i īkɔ́ n ī-gān̄g sarya dɔ rɔ̄í tə́ ní.

JEREMI 11:3

Ā ə́dádə́ na: Kɔ́ɔ̄ɓē, Nə́ɓā yā Israel ɔr̄ najə̄ tītə̄ ń toō beé: Ndɔ̄ĺ i dɔ deē ń oō najə̄ kə́ dɔ madə̄ naā ń toō tə́ aĺ ní tə́.

JEREMI 47:7

Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JOJUE 10:19

Ba sḭḭ̄ ī-dəbaī alé, ī-ngɔ̄dī madə̄ ba̰ā̰sí gə̄, āw̄ ī-gāngī tadə́, ī-lōōī kəya̰də́ kadə̄ tél tudən̄ gogə́ kə̄ kem ɓē yādə́ gə̄ tə́, tɔdɔ̄ Kɔ́ɔ̄ɓē Nə́ɓā yāsí əladə́ kem jīsí tə́ kɔ̄ɔ́ ɓá.