JEREMI 47:7 - Bibəl ta Sar̄

⁷ Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

Bible sar

⁷ Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

JEREMI 47:7 Referans Kwoze

MISE 6:9

Kɔ́ɔ̄ɓē ɔr̄ najə̄ kə de gə̄ ń ndin̄ kem ɓē kə́ bo tə́ ní. Ngé gə̄ ń ɓōlə́n̄ ndílən ní, ni a ajədə́. Sḭḭ̄ de gə̄ kə́ gír ɓē yā Juda tə́ ō, sḭḭ̄ malang ń ī-kánī naā kem ɓē kə́ bo tə́ ní ō, ōōī!

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

EJEKIEL 25:16

Tām̄ najə̄ ń noō tə́ ní, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā kadə̄ nin̄ a gerə̄n̄ gō tɔ́gə́ḿ. M-ā m̄-tɔ̄l̄ Pilistin gə̄ ń i de kə́ Kapətor gə̄ kə́ ndin̄ ɓē i kə gō kadə bā boó ní.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

IJAI 13:3

Ngé gə̄ ń əndān̄də́ kə rī rāā kəla yāḿ ní, i mā n m-ə́dádə́ yá̰a̰ gə̄ ń kadə̄ rāān̄ ní. m̄-ɓāŕ áskar yāḿ kə́ ger̄ rɔ̄ɔ̄ majə gə̄, ngé gə̄ ń rāān̄ rɔ̄nel̄ tetə rɔ̄ɔ̄ yāḿ ní, yā bə̄gań wōn̄g yāḿ.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

JEREMI 48:10

Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

EJEKIEL 21:30

Ba ḭ̄ ngār kə́ Israel tə́, ḭ̄ i nge ndaa deē ndaa kə́ to rɔ̄sɔl̄ ngá̰ý! Kum mbang a reē noó kadə̄ tɔ̄l̄ ń ā ī-tɔ̄l̄ de gə̄ ní gír a gān̄g.

EJEKIEL 21:9

A̰á̰ā̰, m̄-ndigə nujə sesí kɔ̄ɔ́ malang, de kə́ majə gə̄ gə̄gē, de kə́ majaĺ gə̄ gə̄gē. I tām̄ najə̄ ń noō tə́ n m-ā m-ɔ̄r̄ kaskar yāḿ kem hɔ̄pə̄n tə́ yā tɔ̄ləń de gə̄ malang ní. M-ā m-ə́lá gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 21:14

Ḭ̄ ngōn̄ deē, ə́da najə̄ ń m-ə̄ndā taí tə́ ní. Ā ə́da de gə̄ na: Ōōī najə̄ ń Kɔ́ɔ̄ɓē əda ní, ni-əda na: Kaskar kógə̄ḿ n toó, i kaskar kə́ kɔl ta ō, kə́ ndə́lē ō.